ଜାଣିନି ଅପେକ୍ଷାର ଅନ୍ତ କେବେ ଘଟିବ,
ମରୁଭୂମିରେ ବାଲୁକା ଶେଜରେ ନଦୀ ଆସିବ ।
ଆଶା ମୋର ଅସୀମ, ବାଟ ନାହିଁ ଚାଲିବାକୁ…
ସ୍ଵପ୍ନ ମୋର ଅମାପ, ନିଦ ନାହିଁ ଶୋଇବାକୁ…
ଭଙ୍ଗା ସାଗର ଲହରି, ଜୁଆରର ଭଟ୍ଟା…
କ୍ଷଣ ଅବକ୍ଷଣେ.. ପାଇବାର ନିଶା…
ସନ୍ଦିଗ୍ଧ ଏ ସନ୍ତୁଳିତ ମନ, ଭାବ ଅବକାଶେ କରେ ନିଡ଼ ରଚନା ।
ଧୂସରିତ ମାୟାଜାଲେ କବଳିତ କରି ଦିଏ, ରଚିଦିଏ ଛଳନାର ବାସନା ।।
ପରିପୂରକ ପରି ଆଙ୍କି ହୋଇଯାଏ , ମନର ଗହନରେ ଭାଷାୟତ ଚିତ୍ର ।।
ତଥାପି ଅପେକ୍ଷା ସେ ଦଗାଦିଆ ସମୟକୁ, କାଳେ ବିଞ୍ଚିବ ସେ ଆଶାର କାକର,
ତନୁ ମନେ ଭରି ଭାବ ପ୍ରଣୟର ସାଗର ।
– ଡ. ମୃଣ୍ମୟୀ ଚାନ୍ଦ
Comments
ମୃଣ୍ମୟୀ ଚାନ୍ଦ
ଡ. ମୃଣ୍ମୟୀ ଚାନ୍ଦ ପେଶାରେ ଜଣେ ଡାକ୍ତର, କିନ୍ତୁ ଛୋଟବେଳୁ ନିଶା ତାଙ୍କର କବିତା ଲେଖିବା । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି ।
