ଜ୍ୟେଷ୍ଠ ସନ୍ତାନର ମଙ୍ଗଳ ପାଇଁ
ଅଷ୍ଟମୀ ଆସିଛି ଆନନ୍ଦ ନେଇ ॥
ମାର୍ଗଶିର କୃଷ୍ଣ ଅଷ୍ଟମୀ ତିଥି
ଷଠି ଦେବୀ ପୂଜା ଦୃଦେ ଭକତି ॥
କରେ ପରିଧାନ ନୂଆଁ ବସନ
ହରଷ ଚିତ୍ତରେ ଜ୍ୟେଷ୍ଠ ସନ୍ତାନ ॥
ବସି ସୁଆସନେ ଆନନ୍ଦ ମନେ
ବନ୍ଦାପନା ବିଧି ହୁଏ ବିଧାନେ ॥
ମାମୁଁ ଘରୁ ଆସେ ଏଣ୍ଡୁରି ଭାର
ପରମ୍ପରା ଆମ ଭାରି ସୁନ୍ଦର ॥
ଜ୍ୟେଷ୍ଠ ସନ୍ତାନର ଉଚ୍ଛିନ୍ନ ମନ
ସଜେଇ ହୁଏ ସେ ଟିପି ଚନ୍ଦନ ॥
ଫୁଲ ଚନ୍ଦନ ଓ ଦୂବ ଅକ୍ଷତ
ପୋଢୁଆଁ ଅଷ୍ଟମୀ ସଂସାରେ ଖ୍ୟାତ ॥
ହଲଦୀ ପତରେ ପିଠା ପ୍ରସ୍ତୁତ
ମହ ମହ ବାସେ ପ୍ରୀତି ଅମୃତ ॥
ଜ୍ୟେଷ୍ଠ ସନ୍ତାନକୁ ଭାବି ରକ୍ଷକ
ଢାଳି ଆଶୀର୍ବାଦ ସମୃଦ୍ଧି ସୁଖ ॥
କାଲି ହେବ ବଂଶ ଭାଗ୍ୟ ଭବିଷ୍ୟ
ପ୍ରାଚୀନ ଏ ପରମ୍ପରା ଅଶେଷ ॥
ଶୁଭ ମନାସିଣ ପୂଜେ ସଧିରେ
ମାଆ ସୋଭାଗିନୀ ମନ ଚଞ୍ଚଳେ ॥
– ମମତା ସାହୁ
Comments
ମମତା ସାହୁ
ମମତା ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
