କୁହୁଡ଼ି ଶେଯରେ ସକାଳୁ ସେ ଢାଙ୍କି ହୋଇଥାଏ ସୁନେଲି କିରଣରେ ତା’ ନିଦ ଭାଙ୍ଗିଯାଏ କୃଷକ ପୁଅ ବିଲଆଡ଼େ ମାଡ଼ିଯାଏ ମା’ଙ୍କର ବିରକ୍ତି ଭରା ଗାଳି ଶୁଣି ନିଦ ମୋର ହଜିଯାଏ ଏପଟେ ଘରୁ ଚକୁଳିର ବାସ୍ନା ମୋ ପାଶେ ମାଡ଼ିଆସେ ସନିଆ ଜେଜେ ପାଖକୁ ଡାକି ମିଠା ମିଠା ଗପ କହେ କେତେ ବେଳେ ତା’ କୋଳରେ ପଶି ଦାଢ଼ି ମୁଁ ଟାଣିଦିଏ “ଏ ଚଗଲା ଟୋକାକୁ ପାରି ହେବନି”, କହି ମୃଦୁ ହସଟିଏ ଦିଏ…
ଶୀତ ଦିନେ ମୋ ଗାଁ ସୁନ୍ଦର ଦିଶଇ ପୂରବେ ସୂର୍ଯ୍ୟ ଆସିଲେ ଭାରି ଭଲ ଲାଗେ ସକାଳର ମଜା ଦେହରେ ଖରା ପଡ଼ିଲେ ।୧। ଘାସର ପତ୍ରରେ କାକର ବିନ୍ଦୁଟି ଝଲମଲ ଦିଶୁଥାଏ ଧାନର କ୍ଷେତକୁ ଦେଖି ଚାଷୀ ଭାଇ ଖୁସିରେ ବିଭୋର ହୁଏ ।୨। ସୋରିଷ ଫୁଲର ଉଲ୍ଲସିତ କ୍ଷେତ ଦୃଶ୍ୟ ଲାଗେ ଅନୁପମ ସବୁଜିମା ଭରା ମୋ ଗାଁ ପରିବେଶ ଅଞ୍ଚଳରେ ତା’ର ନାମ ।୩। ଶସ୍ୟ ଶ୍ୟାମଳରେ ଭରପୁର ଥାଏ ନ ଥାଏ କିଛି ଅଭାବ ଶୀତ…
ପସରା ମେଲେଇ ଆଜି ଆସିଅଛି ଶୀତ ମୋ ଲୋକ ଉଲ୍ଲସିତ, ମୋ ଗାଁ ଉଲ୍ଲସିତ । ବନ ଗିରି ଘେରା ଅଟେ ଗାଁ ମୋର ସୁନ୍ଦର ଶୀତକାଳ ଦୃଶ୍ୟ ସବୁ ଅତି ମନୋହର ସବୁଜିମା ଭରା ଭୂମି, ସ୍ୱର୍ଗ ଅଭିହିତ ମୋ ଲୋକ ଉଲ୍ଲସିତ, ମୋ ଗାଁ ଉଲ୍ଲସିତ । ଉଇଁଲା ସୁବର୍ଣ୍ଣ ସୂର୍ଯ୍ୟ, ପୂରୁବ ଦିଗରେ ରୌପ୍ୟ କାକର ବିଛେ, ସବୁଜ ଘାସରେ ମନ୍ଦାର ଫୁଲରେ ଗଛ, ହୁଏ ହରସିତ ମୋ ମନ ଉଲ୍ଲସିତ, ମୋ ଗାଁ ଉଲ୍ଲସିତ ।…
ଆସିଛି ଶୀତର ଦିନ କାକର ଭିଜା ଘାସ ଉପରେ ମୋତି ସମ ଚମକେ ଏ କଅଁଳ ସୁରୁଜ କିରଣ । ଆସିଛି ଶୀତର ଜାଡ଼ ଗାଆଁ ପୋଖରୀ ତୁଠ ଉପରେ କାଠ ବରଡ଼ାର ନିଆଁରେ ସାହି ଟୋକା ସଭିଙ୍କ ଭିଡ଼ । ଆସିଛି ଶୀତର କ୍ଷେତ ସୁନେଲି ସୁନେଲି ଧାନ ବିଲ ସବୁଜିମା ଭରା ପରିବା କ୍ଷେତରେ ଚାଷୀ ହସି ହସି ଗାଉଛି ଗୀତ । ଆସିଛି ଶୀତର ସଞ୍ଜ ଗୁହାଳ ଘରୁ ଭାସିଆସେ ଧୁଆଁ ନୂଆବୋହୂ ଫେରୁଛି ଗାଆଁ ମନ୍ଦିରୁ…
ସବୁଦିନଠାରୁ ବେଶୀ ଚଳଚଞ୍ଚଳ ଲାଗେ ଭାରି ନୂଆ ନୂଆ । ବେଳ କାହିଁ, ଅଳସୁଆ ହୋଇ ଶୋଇବାକୁ ଅବା ନିଆଁ ପୋଇଁବାକୁ ଫସଲ ଅମଳର ବେଳ ଯେ ପେଟ ପାଟଣା କଥା ଯେ ଶୀତକୁ ଡରି, ଥରେ ହେଳା କରିଦେଲେ ହାତୀ ପଶି ଦଳିଦେବ ନହେଲେ ଲଘୁଚାପ ଧୋଇନେବ । ସେଥିପାଇଁ ତ ସବୁଦିନଠାରୁ ବେଶୀ ଚଳଚଞ୍ଚଳ ଲାଗେ ଭାରି ନୂଆ ନୂଆ ଶୀତ ଦିନେ ମୋ ଗାଁ ।
