ଅନୁପମ ଅରୁଣିମା ତନୁଧାରୀ ପୁଷ୍ପ ମଧ୍ୟେ
ଅପରାଜିତା ! ତୁମେ ଦିପ୍ତିମୟୀ ପ୍ରତିମାଟିଏ
ଯଦି ରୂପଦେଖି ପୃଥିବୀକୁ କେହି କେବେ ବଖାଣେ
ତୁମ ରୂପ ଶୋଭା ପାଇ ମେଦିନୀ ବି ଗର୍ବ କରେ
ଜର୍ଜରିତ ଘନ ବାଦଲ, ଘଡ଼ଘଡ଼ି, ବିଜୁଳି ସାଥେ
ମାଆ କୁହେ ଜନ୍ମ କାଳେ ତୁମର ବରଷାର ଆଗମନେ
ମାଟିର ବକ୍ଷ ଚିରି ପ୍ରକୃତିର କୋଳ ପରେ
ନୀଳିମା ଅସରନ୍ତି ଢାଳିଦିଅ ବିନା ଦ୍ୱିଧାରେ
ଜନ୍ମ ଯାର ମଞ୍ଜୁଳ ମରୀଚିକା ସୃଷ୍ଟିର ବିନାଶ ବେଳାରେ
ଅପରାଜିତା ନାମ ତା’ର ଅର୍ଥକୁ ସମ୍ପୂର୍ଣ କରେ
ହେ ଅପରାଜିତା ! ମୁଁ ନୀଳ ଭସା ସମୁଦ୍ରରେ ବେସାହାରା ଡଙ୍ଗାଟିଏ
ଆଶା ହାରି ତମ ଠାରୁ ଶକ୍ତି ଟିକେ ଭିକ୍ଷାକରେ
ହେବକି ସାଥୀମୋର ଏଇ ନିର୍ଜନ ମଝି ସାଗରେ
ପୁଣିଥରେ ଫେରିବାକୁ ବେଳାଭୂମି ତଟ ତୀରେ ।
– ଜାଗୃତି ଯାଜ୍ଞସେନୀ ବାରିକ
Comments
ଜାଗୃତି ଯାଜ୍ଞସେନୀ ବାରିକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
