ତୁମେ ପରା ଅଟ ଅପରାଜିତା
ମନ ମୋହିନିଏ ତୁମ ଲଟାର ଛଟା
ତୁମେ ପରା ଅଟ ଅପରାଜିତା
ଲତା ବର୍ଣ୍ଣ କୋଳେ ନୀଳ ରତନ
ତାକୁ ଦେଖି ନାଚେ ହୃଦ ସ୍ପନ୍ଦନ
ବାଉଁଶ ବାଡ଼ରେ ମାରେ ସାଉଁଟା
ତୁମେ ପରା ଅଟ ଅପରାଜିତା
ଗହଲ ଶ୍ୟାମଳ ପତ୍ରେ ସୁଶୋଭିତ
ନୀଳ ଶାଢ଼ୀ ପିନ୍ଧି କରେ ବିମୋହିତ
ଧରଣୀ ବୁକୁରେ ତୁମେ ତ ବିଜିତା
ତୁମେ ପରା ଅଟ ଅପରାଜିତା
ତୁମ ନୀଳ ରୂପେ ଭରିଛି ପ୍ରେମ
ପବିତ୍ର ସଂସାରେ ଦେଖାଏ ଭ୍ରମ
ହୃଦୟ ଆନ୍ଦୋଳିତ କରେ ସଳିତା
ତୁମେ ପରା ଅଟ ଅପରାଜିତା
ମହାଦେବଙ୍କର ତୁମେ ପ୍ରିୟ ଫୁଲ
ତୁମେ ସାଥେ କିଏ ହବ ସମତୁଲ
ଶଙ୍ଖ ଶେଫାଳୀର ଅପୂର୍ବ କଟିତା
ତୁମେ ପରା ଅଟ ଅପରାଜିତା
– ଡୋଳାମଣି ପଧାନ
Comments
ଡୋଳାମଣି ପଧାନ ଓଡ଼ିଆ ତଥା ସମ୍ବଲପୁରୀ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
