ଶବ୍ଦ ଉପରେ ମାଲିକାନା
କେବେ ବି କାହାର ଥାଏନା
ଶବ୍ଦ ଆମର କି ତାଂକର
ଏ ଚିଂତା ଅଟେ ଅବାଂତର
ଯେ କହେ, ଶବ୍ଦ ହୁଏ ତାର
ଶବ୍ଦ ଉପରେ ଅଧିକାର
ସର୍ବଦା ରହେ ସଭିଂକର
କରିବା ଏ ସତ୍ୟ ସ୍ୱୀକାର
ପବନ ସୂର୍ଯାଲୋକ ପରି
ଶବ୍ଦ ବି ପାରୁଛି ସଂଚରି
ଏ ଗତି ରୋଧିବାକୁ ଚେଷ୍ଟା
ନ ଦିଏ କାହାକୁ ପ୍ରତିଷ୍ଠା
ଶବ୍ଦର ମୁକ୍ତ ବିନିମୟ
ଯୋଗୁଁ ହୁଏନା ଭାଷା କ୍ଷୟ
ତେଣୁ ନ ହୋଇ କେବେ ଭୀତ
କରିବା ଶବ୍ଦଂକୁ ସ୍ୱାଗତ
ଶବ୍ଦ ମିଶ୍ରଣ ଯୋଗୁଁ ହିତ
ଲୋକେ ହୁଅଂତି ଉପକୃତ
ଭାଷା ବି ହୁଏ ସମୁନ୍ନତ
ବିବାଦ ହୁଅଇ ନିହତ
– ପ୍ରଫୁଲ୍ଲ କୁମାର ତ୍ରିପାଠୀ
Comments
ପ୍ରଫୁଲ୍ଲ କୁମାର ତ୍ରିପାଠୀ
ପ୍ରଫୁଲ୍ଲ କୁମାର ତ୍ରିପାଠୀ, ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଜଣେ ଓଡ଼ିଆ ସାହିତ୍ୟିକ ଓ ଭାଷାବିତ୍ । ସମାଜରେ ଦେଖାଯାଉଥିବା ବିଭିନ୍ନ ପ୍ରକାରର ଦୁର୍ନୀତି, ଅନିୟମିତତା ଏବଂ ମାନବବାଦ ବିଷୟ ଉପରେ ତାଙ୍କ ରଚନା ଆଧାରିତ । ସେ ଓଡ଼ିଆ ଭାଷା ସାହିତ୍ୟର ତର୍ଜମା ଓ ଲିପିର ବିକାଶ ବିଷୟରେ ମଧ୍ୟ ଅନେକ ପୁସ୍ତକ ରଚନା କରିଛନ୍ତି ।
