ସେ,
ଖୁବ୍ ଗୋଟେ ବ୍ୟସ୍ତ ରୁହେ
ୱାଟ୍ସ୍ଆପ୍, ଫେସବୁକ୍
ଆଉ ମୋ ପ୍ରତୀକ୍ଷା
ତା’ ଅଫିସ୍ ଚାମ୍ବର ପାଖ
କବାଟରେ ପିଟି ହୋଇ ପଡ଼ିଯାଏ ।
ସେ,
ଚିନ୍ତିତ ରୁହେ
ତା’ ଅଫିସ୍ କାମ
ଘର ପ୍ରତି ଦାୟିତ୍ୱ
ଆଉ,
ତା’ ପବ୍-ଜୀ ଖେଳ ଭିତରେ
ମୋ ସତ୍ତା କେଉଁଠି ମରିସାରିଥାଏ ।
ପୁଣି ପ୍ରଶ୍ନ କରେ,
ସବୁଦିନ ଫୋନ୍ କରିବା କ’ଣ ପ୍ରେମ?
ବିଶ୍ୱାସ କର-
ହୃଦୟରେ ଅଛ ଆଉ ରହିବ ।
ସେ କୁହେ,
ଜୀବନ କ’ଣ କି
ମୋତେ ବଞ୍ଚିବାକୁ ଦିଅ
ବେଫିକର୍ – ବେପରୁଆ
ଆଉ,
ମୋ ଭିତରେ ସରି ଆସୁଥିବା ଆୟୁଷ
ତାକୁ ବାରମ୍ବାର ପ୍ରଶ୍ନ କରୁଥାଏ ।
– ରାଜଶ୍ରୀ ସ୍ୱାଇଁ
