ବଗିଚାର ଫୁଟା ଗୋଲାପ
ଏବେ ସମ୍ପୂର୍ଣ୍ଣ ମଉଳା,
ଝାଉଁଳି ପଡ଼ିଛି ଆଜି ତା’ର
ସତେଜ ପାଖୁଡ଼ା,
ପ୍ରେମ ଆଜି ପାଲଟିଛି
ରାସ୍ତାକଡ଼ର ଅଳିଆ
ବଦଳି ଯାଇଛି ଆଜି
ରୂପରେଖା ଏ ପ୍ରେମର ।
ଅନ୍ଧକାର ଅଛି ସିନା
ଆଲୁଅ ଦେଖେଇବା ପାଇଁ କେହି ନାହିଁ ।
ବିଚ୍ଛେଦ ଅଛି ସିନା
ସଂଯୋଗ ପାଇଁ ଆଉ ସାହସ ନାହିଁ ।
ଶୁଭୁନି ଆଉ ସେ ବିରହର ସ୍ୱର,
ଆଧୁନିକ ସଭ୍ୟତା ତଳେ
ଚାପି ହେଇ ଆଜି
ପ୍ରେମ କରୁଛି କରୁଣ ଚିତ୍କାର
ଶୁଭୁନି ତା’ର ଡାକ କାହାକୁ
ଲୁହ ଗଡ଼ାଇ ପ୍ରେମ ଜଣାଉଛି କରୁଣ ବେଦନା
ତଥାପି ଏ ଦୁନିଆ କହୁଛି
ପ୍ରେମ କୁଆଡ଼େ ସତ୍ୟ, ଶିବ, ସୁନ୍ଦର !
– ଶୁଭମ୍ କୁମାର ସାହୁ
Comments
ଶୁଭମ୍ କୁମାର ସାହୁ
ଶୁଭମ୍ କୁମାର ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
