କେମିତି ଗୋଟେ ଅଜବ ଡର
ମନକୁ ଘାରୁଛି ବେଳେବେଳେ
କେତେବେଳେ ଭାରି ହାଲୁକା ଲାଗୁଛି
କରୋନା ଆଉ ଫେରିବନି
ଇଟାଲୀ, ଫ୍ରାନ୍ସ୍, ଆମେରିକା, ଚୀନ ପରି
ମୋ ଭାରତରେ
ଯେଉଁଠି ସାରଥି ସ୍ଵୟଂ କୃଷ୍ଣ,
ଜଗନ୍ନାଥ, କାଶୀ, ବଦ୍ରିନାଥ
ସେଠି କ’ଣ କେବେ ହାରିବ ଭାରତ?
ଯେଉଁଠି ସଂସ୍କୃତି ଗୀତା ଭାଗବତ
ବାପା ଛତ୍ରଛାୟା ମା’ର ପଣତ କାନି
ସେଠି ସବୁ ଆସି ହେବେ ପରାହତ
କଳା ପାହାଡ଼ବି କେତେ ମାତିଥିଲା
କେତେ ଆଶା ବାନ୍ଧି ସିକନ୍ଦର ଆସିଥିଲା
ସବୁ ପରାଜିତ ଉତ୍କଳ ମାଟିରେ
ଚଣ୍ଡାଶୋକ ଏଠି ଧର୍ମାଶୋକ ହୁଏ
ଏ ପାଣି ପବନ ଏ ମାଟିକୁ ଛୁଇଁ
ମହୋଦଧି କୂଳେ ଜଗନ୍ନାଥ ସ୍ଥଳେ
କେତେ କିଏ ଲୀନ ଏହି ଉତ୍କଳେ
ବିଶ୍ଵାସୀ ମନର ଏତିକି କାମନା
ଦୂର କର ପ୍ରଭୁ ଆପଣା
ଲୋକର କାତର ଯନ୍ତ୍ରଣା
ଲିଭାଅ ମନର ଭୟ ବିବଶତା
ହାତଟେକି ଡାକୁ ଦ୍ରୌପଦୀ ପରି,
କର ଉଦ୍ଧାରଣ କରୋନା ଦାଉରୁ
ଆହେ ମହାବାହୁ…
– ଅନସୂୟା ପଣ୍ଡା
Comments
ଅନସୂୟା ପଣ୍ଡା
ଅନସୂୟା ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
