କିଏ ସେ ବୁଝିଛି ଏ ଦୁନିଆକୁ ଆଜି
କେମିତି ଚାଲିବ କରି ତାକୁ ସାଥି
ଭବିଷ୍ୟତ ଆଖି ଆଗରେ ରହିଛି
ବର୍ତ୍ତମାନରେ ସେ ବୁଡ଼ି ରହୁଛି ॥
କିଏ ସେ ବୁଝିଛି ଭଲପାଇବାର ମୂଲ୍ୟ
ଖାଲି ପାଇବାର ଆଶା ସିଏ ଦେଖୁଛି
ନିସ୍ଵାର୍ଥପରର ଅଭିନୟ ସାଜି
ନିଜକୁ ନିଜେ ସେ ଧୋକା ଦେଉଛି ॥
କିଏ ସେ ବୁଝିଛି ଏ ସମ୍ପର୍କର ଭାଷା
ନିଜ ସ୍ୱାର୍ଥ ଲାଗି ମିଠା କଥା କହି
ନିଜକୁ ନିଜେ ଠକିବାର ଲୋକ ବହୁ ଅଛନ୍ତି
ଆଗକୁ ଏ ସମ୍ପର୍କର ରହିବ କି ନାହିଁ କିଏ ଦେଖୁଛି ॥
କିଏ ସେ ବୁଝିଛି ହାରିବାର ଦୁଃଖ
ଜିତିବାର ଲୋଭ ତାକୁ ନୀତି ଘାରିଛି
ନୂଆ ଆଶାରେ ବିମୋହିତ ହୋଇ
ଦିବା ସ୍ୱପ୍ନରେ ସେ ନୀତି ହଜୁଛି ॥
କିଏ ସେ ବୁଝିଛି ଦୁଃଖ ସୁଖ ଭରା ଜୀବନକୁ ଆଜି
ଦୁଃଖ ବେଳେ ସିଏ ବିଚଳିତ ହୁଏ
ସୁଖ ବେଳେ ଅତ୍ୟଧିକ ଖୁସି ହୋଇଯାଏ
ଦୁଃଖ ଆଉ ସୁଖ ଦୁଇଟାରେ ହସିବାର ଲୋକଙ୍କୁ କିଏ ଦେଖିଛି ॥
– ରୁଦ୍ର ନାରାୟଣ ଖଟୁଆ