ନିକଟସ୍ଥ ତାଙ୍କୁ ଅନୁଭବ କରନ୍ତି ପ୍ରତି କବି,
ସ୍ମରଣମାତ୍ରେ ପ୍ରକଟ ହୋଇ କଳାବତୀ କାବ୍ୟାଞ୍ଜଳି ଆଙ୍କନ୍ତି ଚିରସ୍ଥାୟୀ ଛବି ।
ଓଡ଼ିଆ ଭାଷାରେ କୁହନ୍ତି ସୁମଧୁର ସୁବଚନ,
ଅତିପ୍ରିୟ ତାଙ୍କୁ କାନ୍ତିପ୍ରଦ କଳାକାଞ୍ଚନ ।
କରନ୍ତି ନବରସ ଭାବର ବୋଧନ,
ସମସ୍ତ ଅଭିଜ୍ଞ ପ୍ରଜ୍ଞର ସଜ୍ଞ କରନ୍ତି ତାଙ୍କର ସମ୍ବୋଧନ ।
ଶବ୍ଦ ଶବ୍ଦକୁ ଦିଅନ୍ତି ନିର୍ଦ୍ଦିଷ୍ଟ ସ୍ଥାନ,
ମନୋଭାବାନାକୁ ମିଳିପାରିବ ଯେମିତି ଶ୍ରେଷ୍ଠ ଉପସ୍ଥାନ ।
ଏକାନ୍ତ ସମୟରେ କାବ୍ୟ ହେତୁ କରନ୍ତି ବାକ୍ୟ ଗଠନ,
ଭାବାର୍ଥ ଯେମିତି ଜ୍ଞାତ ହୋଇପାରେ କରି ପଠନ ।
ଆମ କାବ୍ୟାଞ୍ଜଳି ହେଉଛନ୍ତି ବହୁ ଅଳଙ୍କାର ପ୍ରିୟା,
ସୁସଜ୍ଜିତ ସୁପ୍ରିୟ ସୁବର୍ଣ୍ଣ ସ୍ଵର୍ଣ୍ଣାକ୍ଷର ଦ୍ୱାରା ହୁଅନ୍ତି ସର୍ବଜନପ୍ରିୟା ।
କରନ୍ତି ଅସୀମିତ ଅଦ୍ଭୁତ କମନୀୟ କଳ୍ପନା,
ଜନମାନସକୁ ଆକୃଷ୍ଟ କରେ ଏହି ପରିଚ୍ଛନ୍ନ ପରିଯ୍ୟାପ୍ତ ପରିକଳ୍ପନା ।
ସୃଷ୍ଟି କରିଛନ୍ତି ଅମୋଘ ଅନୁରାଗ ଗୀତି ଚିରସ୍ୟ ଚିତ୍ରଗୀତି,
ମନୋରଞ୍ଜନୀ ହୋଇ ଉପାର୍ଜ୍ଜନ କରିଛନ୍ତି ସର୍ବସାଧାରଣଙ୍କ ସଂମ୍ପ୍ରୀତି ।
ତାଙ୍କ କଳାପୋଷଣ ଅନୁଗ୍ରହ ଦ୍ୱାରା କବି ରଚିଲେ କାବ୍ୟ ଗ୍ରନ୍ଥ-ମାଳିକା,
ଉତ୍ସାହିତ ହୋଇ ଉପସ୍ଥାପନା କରିଲେ ପ୍ରଣୟ ସୁଧା ଗୀତିକା ।
କବିତା ଦ୍ୱାରା କରନ୍ତି ଭାଷାକୁ ଅତୁଲ୍ୟ ଅରବିନ୍ଦ,
କାବ୍ୟରସ ଯେ ସରସ ସାହିତ୍ୟର ମଧୁର ମକରନ୍ଦ ।
ମହାନଦୀ ବ୍ରାହ୍ମଣୀ ବୈତରଣୀ ପରି ହେଲେ ସରିତା ଝରୀ,
ଆଭୂଷିତ ହୋଇ ଓଡ଼ିଆ ଭାଷା ପାଇଁ ହେଇଛନ୍ତି ସୌଭାଗ୍ୟ ମଞ୍ଜରୀ ।
କଳାବତୀ କାବ୍ୟାଞ୍ଜଳି ହେଲେ ଚିରହରିତ ଚିରସ୍ମରଣୀୟ,
ତାଙ୍କ ପ୍ରତୀତି କଥା ଅବିସ୍ମରଣୀୟ ।
– ରାଜ ଶେଖର ଶ୍ରୀ ଚିମା
Comments
ରାଜ ଶେଖର ଶ୍ରୀ ଚିମା
ରାଜ ଶେଖର ଶ୍ରୀ ଚିମା ଓଡ଼ିଆ ତଥା ତେଲୁଗୁ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
