ଜହ୍ନରାତି
ଜହ୍ନତାତି

ଜହ୍ନରାତି

ଜଙ୍ଗଲି ଜହ୍ନଟି ଶୀତଳ ଶୀତଳ
ଗାଁ ଜହ୍ନ ତାତି ମିଠା
ସହର ଜହ୍ନର ତାତି ତ ପ୍ରଖର
ନାହିଁ ସେଠି ମଧୁରତା ।

ଜଙ୍ଗଲର ସେହି ଶୀତଳ ଜ‌ହ୍ନଟି
ଲାଗୁଛି ଭାରି ସରଳ,
ଗାଆଁ ଜହ୍ନ ଆଜି ଦେହ ଜଳଉଛି
ସତେ ତା’ ତାତି ପ୍ରବଳ ।

ସହରି ଜ‌ହ୍ନର ତାତି ତ ପ୍ରବଳ
ସତେ ସୁରୁଜ ସମାନ
ସେହି ତାତି ଆଜି ଲଗାଉଛି ନିଆଁ
ଫିକା ଲାଗେ ତା’ ମନ ।

ନିଜ କିରଣରେ ଜଙ୍ଗଲି ଜ‌ହ୍ନଟି
କରେ ସତେ ଆଲୋକିତ
ଗାଆଁ ଜ‌ହ୍ନଟିର ନାହିଁ ତ ଠିକଣା
ସଦା ସର୍ବଦା ଜ୍ୱଳିତ ।

ସ‌ହରି ଜ‌ହ୍ନଟି ଲୋଡ଼େ ସବୁବେଳେ
ସୁରୁଜ ପ୍ରଖର ତାତି
ଅନ୍ୟ କିରଣରେ ଆଲୋକିତ ସଦା
ମନେ ତା’ର ମନ୍ଦ ମତି ।

ସବୁ ଜ‌ହ୍ନ କେବେ ସମାନ ନୁହ‌ନ୍ତି
ତାତି ସଭିଙ୍କର ଭିନ୍ନ,
ସଭିଙ୍କର ମନ ଅଲଗା ଅଲଗା
ଭିନ୍ନ ତାଙ୍କ ପାଦ ଚିହ୍ନ ।।

Comments

comments

ଅନ୍ୟମାନଙ୍କ ସହ ସେୟାର କରନ୍ତୁ...

Leave a Reply

Close Menu