ଜୀବନୁ କଳୁଷ ହେବ ନାଶ,
ଲଭିଣ ଗୁରୁଙ୍କ ଶୁଭାଶିଷ,
ଗୁରୁ ପାଦ ପୂଜି
ଭକତିରେ ଭିଜି
ପାଳିବା ଆମେ ଗୁରୁଦିବସ ।
କୋଟି ଜୁହାର ତାଙ୍କ ଚରଣେ,
ତାଙ୍କୁ ଭୁଲିବା ନାହିଁ ଜୀବନେ,
ଗୁରୁ ପଦରଜ
ମୁକତିର ବୀଜ
ଏକଥା ଆମେ ରଖିବା ମନେ ।
ଗୁରୁଙ୍କର ମହିମା ଅପାର,
ମହୀମଣ୍ଡଳେ ସେ ତ ଈଶ୍ୱର,
ହୃଦମନ୍ଦିରେ ସେ
ଅମଳିନ ଜ୍ୟୋତି
ତାଙ୍କ ପାଇଁ ଜୀବନ ସୁନ୍ଦର ।
ମନେ ଭରିଣ ଆଶା ବିଶ୍ୱାସ,
କଳୁଷତାକୁ କରନ୍ତି ନାଶ,
ତାଙ୍କରି ଆକଟେ
ଯାଉ ଭଲ ବାଟେ
ଭବିଷ୍ୟତ ହୁଅଇ ସରସ ।
– ଜନ୍ମଜୟ ନାୟକ
Comments
ଜନ୍ମଜୟ ନାୟକ
ଜନ୍ମଜୟ ନାୟକ ପେଶାରେ ଜଣେ ସରକାରୀ ଶିକ୍ଷକ, କିନ୍ତୁ ନିଶା ତାଙ୍କର ଗପ ଓ କବିତା ଲେଖିବା । ପୁରୀ ଜିଲ୍ଲାର ଚିଲିକା ନୋଡାଲ ହାଇସ୍କୁଲରେ କାର୍ଯ୍ୟରତ ଥିବା ଏହି ଶିକ୍ଷକଙ୍କର ଗପଗୁଡ଼ିକ ଅନେକ ପତ୍ରିକପତ୍ରିକାରେ ସ୍ଥାନିତ ହୋଇଛି ।
