ଅସରନ୍ତି ଆଶାର ପାରବାରକୁ
ଏକମାତ୍ର ସେତୁଟିଏ ସେ,
ମୋ ଜୀବନର ପ୍ରଚ୍ଛଦପଟ୍ଟରେ
ନିର୍ମଳ, ନୀରିହ, ନିର୍ବିକାର ଛବିଟିଏ ସେ ।
ହୃଦୟର କୋଣ ଅନୁକୋଣରେ
ଅନୁକମ୍ପାର ମୂର୍ତ୍ତିଟିଏ ସେ,
ଅନାବିଳ ସ୍ନେହର ଗନ୍ତାଘର
ଅଦ୍ୱିତୀୟ ଶକ୍ତିଟିଏ ସେ ।
ମୋ ଧନ ଓ ସମ୍ପତ୍ତି ମଧ୍ୟେ
ବହୁମୂଲ୍ୟ ରତ୍ନଟିଏ ସେ,
ଅନ୍ତରଙ୍ଗ ସାଥୀ ଓ ଜୀବନର ଆଧାର
ଆନନ୍ଦର ସ୍ରୋତଟିଏ ସେ ।
– ଅର୍ପିତା ମିଶ୍ର
Comments
ଅର୍ପିତା ମିଶ୍ର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
