ଛନ୍ଦ– ବଙ୍ଗଳାଶ୍ରୀ
ଗଡ଼ି ଗଡ଼ି ଯାଏ ଦିନ ପରେ ଦିନ
ବଢ଼ୁଛି କରୋନା କାଳ,
କମି କମି ଯାଏ ଦେଶ ଜନସଂଖ୍ୟା
କରିବ କିଏ ଉଦ୍ଧାର ।
ଅଭିଶପ୍ତ ବର୍ଷ ଏହି ଯୋଡ଼ା ବର୍ଷ
ଲିଭିଛି ଜନତା ହସ
କରୋନା ଲକ୍ଷଣ ଦେଖାଦେଲେ ଭାଇ
ସ୍ୱାବ୍ ଟେଷ୍ଟ କରି ଦେବ ।
ଗରିବ ପାଉଛି ରେସନ ଚାଉଳ
ଧନୀ ପାଖେ ଅଛି ଧନ,
ମଝିରେ ଦୁଃଖରେ ପଡ଼ିଛନ୍ତି ଏବେ
ମଧ୍ୟବିତ୍ତ ଶ୍ରେଣୀଲୋକ ।
ପାଠପଢ଼ା କଥା କଅଣ କହିବି
ଚାଲିଛି ଅନଲାଇନ୍ ଯୁଗ,
କିଏ ତ ଗଛରେ କିଏ ପାହାଡ଼ରେ
ମୋବାଇଲ୍ ଖଣ୍ଡେ ଥିବ ।
ତାଲାବନ୍ଦୀ ପରେ ଅନଲକ୍ ହେଲା
କମିଲା ତ କଟକଣା
ଆତ୍ମସଚେତନ ହେବା ବଦଳରେ
ଚାଲିଛି ସବୁଠି ମେଳା ।
ଲେଖି ଜାଣିନାହିଁ ଲେଖକ ନୁହେଁ ମୁଁ
ଭୁଲ୍ ଥିଲେ କ୍ଷମା ଦେବ
ସମୟ ପାଇଲି ଲେଖିଦେଲି ବସି
ମନରୁ ମୋ ଦୁଇ ପଦ ।
– ରୁଦ୍ର ନାରାୟଣ ପାଣିଗ୍ରାହୀ
Comments
କଟକ ଜିଲାର ସାଲେପୁର ସ୍ଥିତ ପୂର୍ବଛକର ବାସିନ୍ଦା ହେଉଛନ୍ତି ରୁଦ୍ର ନାରାୟଣ ପାଣିଗ୍ରାହୀ । ସେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ/କବିତ ଆଦି ରଚନା କରିଥାନ୍ତି । ତାଙ୍କ ରଚିତ କବିତାମାନ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
