ତତେ ଦେଖିବାକୁ କିଛି ଆଧାର
କି ଲୋଡ଼ା,
ତତେ ପାଖରେ ପାଇବାକୁ
କିଛି ମାଧ୍ୟମର କି ଲୋଡ଼ା,
ତୋତେ ଅନୁଭବ କରିବାକୁ
ତୋ ଛୁଆଁର କି ଲୋଡ଼ା,
ତୁ ତ ଅଛୁ ମୋ ଭିତରେ…
ମୋ ସତ୍ତାର ପ୍ରତ୍ୟେକ ବିନ୍ଦୁରେ
କେବଳ ତୋର ହିଁ ତ ଅସ୍ତିତ୍ୱ,
ପ୍ରତିଟି ଆବେଗ ସହ ବନ୍ଧା
କେବଳ ତୁ ହିଁ ତ ତୁ,
ପ୍ରତିଟି ପ୍ରଶ୍ୱାସ ସହିତ
ତୁ ହିଁ ତ ନିଜକୁ ଜାହିର କରିଚାଲିଛୁ,
ମୋ ହୃଦୟରେ…
ତା’ହେଲେ,
ତୋ ଓ ମୋ ଭିତରେ ଯେ
ଯୋଜନ ଯୋଜନର ଦୂରତା,
ଏ ପ୍ରଶ୍ନ କାହିଁକି?
ଯେତେବେଳେ
ଏକଥା ନା ତୋ ମନ ମାନୁଛି
ନା ମୋ ମନ… !!!!!
– ଇତିଶ୍ରୀ ନାୟକ