ଆଲୋକର ପର୍ବ ଏହି ଦୀପାବଳି
ବରଷକେ ଥରେ ଆସିଛି ଫେରି ॥
କାର୍ତ୍ତିକ ମାସର ଅମାବାସ୍ୟା ଦିନ
ଶୁଭ ଦିପାବଳୀ ହୁଅଇ ପାଳନ ॥
ପ୍ରଦୀପ ମାଳରେ ପୁରିତ ଏ ଧରା
ଉଜ୍ଜଳ ଆଲୋକ ଆନନ୍ଦ ପସରା ॥
ପଲ୍ଲୀରୁ ସହର ସବୁଠି ଚଞ୍ଚଳ
ଶୋଭିତ ଧରଣୀ ଉତ୍ସାହ ସକଳ ॥
ଆତ୍ମାଦୀପ ଯେବେ ଉଠିବ ଜଳି
ହଟିବ ଧରାରୁ ଅଜ୍ଞାନର କାଳି ॥
ଆସିଅଛି ବୋଲି ଶୁଭ ଦୀପାବଳି
ବିରାଜିବେ ଧରାଧାମେ ମହାକାଳୀ ॥
ସଭିଙ୍କ ମୁହଁରେ ଖୁସିର ଲହରୀ
ଦୀପାବଳି ଦିନ ଯାଏ ସତେ ଖେଳି ॥
ଘର ଅଗଣାରେ ସଭିଏଁ ଯେ ମିଶି
ମାଟି ଦୀପ ଜାଳି ଦିଅନ୍ତି ହସି ॥
କାଉଁରିଆ କାଠି ହାତରେ ଧରି
ବଡ଼ ବଡ଼ୁଆଙ୍କୁ ଡାକନ୍ତି ଗୁହାରି ॥
ପିତୃ ପୁରୁଷଙ୍କୁ ପିଣ୍ଡ ବାଢ଼ିଥାନ୍ତି
ଶ୍ରଦ୍ଧାର ସହ ଶ୍ରାଦ୍ଧଯେ କରନ୍ତି ॥
ଅନ୍ଧାରରେ ଆସି ଆଲୁଅରେ ଯାଅ
ଆସନ୍ତା ବର୍ଷକୁ ପୁଣି ଚାହିଁ ଥାଅ ॥
ସଭିଁଙ୍କ ମଙ୍ଗଳ କାମନା ଯେ କରି
ପାଳିବା ସମସ୍ତେ ଶୁଭ ଦୀପାବଳି ॥
– ମମତା ସାହୁ
Comments
ମମତା ସାହୁ
ମମତା ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
