ଜଙ୍ଗଲର ରାଣୀ ବୋଲାଏ ବନ ଶିମିଳିପାଳ
ଜାତୀୟ ଉଦ୍ୟାନ ନାମଟି ଅଛି କାଳକୁ କାଳ ।
ଅଭୟାରଣ୍ୟକୁ ଦେଖିବା ପାଇଁ ଦୁଇଟି ବାଟ
“ଯଶୀପୁର”, “ପିଠାବଟା”ରେ ତୁମେ ଟିକଟ କାଟ ।
ସବୁଠାରୁ ବଡ଼ ପ୍ରପାତ ନାଁ ବରେହିପାଣି
“ଦେବକୁଣ୍ଡ ସାଥେ “ଯୋରନ୍ଦା” ସତେ ଦେଖାଏ ଠାଣି ।
“ଚହଲା”, ‘ଲୁଲୁଙ୍ଗ” ଝରଇ ବଣ ପାହାଡ଼ ଛୁଇଁ
ଦର୍ଶକ ହୁଅନ୍ତି ବିଭୋର ଦେଖି ପାହାଡ଼ି ଭୂଇଁ ।
ହରିଣ, ଠେକୁଆ, ବାରହା, ବଣ କୁକୁଡ଼ା ଦଳ
ବାଘ, ହାତୀ, ଭାଲୁ, ମାଙ୍କଡ଼ କେତେ ଦେଖାନ୍ତି ବଳ ।
ଝିଙ୍କ, ସରୀସୃପ , କଇଁଛ, ଗୋଧି, ମୟୂର, ଶୁଆ,
କେତେ ପ୍ରଜାତିର ପକ୍ଷୀଏ ସତେ ଦିଶନ୍ତି ନୂଆ ।
“ଚହଲା’, “ଲୁଲୁଙ୍ଗ”, “ଯୋରନ୍ଦା”, “ଗୁରୁଗୁରିଆ” ଘର
ରହିଲେ ଲାଗିବ ଆନନ୍ଦ ସତେ ସରଗପୁର !
“ମେଘାସନୀ” ପରବତଟି କେଡ଼େ ସୁନ୍ଦର ଦିଶେ
“ଖଇରିବୁକୁ” ବି ସତେକି ନୀଳ ଆକାଶେ ମିଶେ ।
ଆସ ଆସ ସାଥୀ ପିଲାଏ ଖୁସିବାସିରେ ଝୁଲି
ଦେଖିଆସିବାରେ ଶିମିଳିପାଳ ଜଙ୍ଗଲ ବୁଲି ।
– କୁଞ୍ଜ ବିହାରୀ ସାହୁ
Comments
କୁଞ୍ଜ ବିହାରୀ ସାହୁ
କୁଞ୍ଜ ବିହାରୀ ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
