ଆଖିକୁ ଦିଶେ କେବଳ
ସଫଳତାର ରଙ୍ଗ ରୋଷଣୀ ସଜ,
ଦିଶେନା କେବେ ବିଜୟପଥେ
ଲହୁ ଲୁହ ଆଉ ସ୍ୱେଦ ।
ସଫଳତା କେବେ ସୁଲଭ୍ୟ ନୁହଁ
ଇଚ୍ଛାକଲେ ମିଳିଯିବ,
ପଥ ଏ ଯେ ଭାରି କଠିନ ବନ୍ଧୁର
ହାସିଲ ହିଁ କରିହେବ ।
ସଫଳତାଠୁ ବି ସୁନ୍ଦର ଲାଗେ
ରାସ୍ତା ସେ ସଫଳତାର,
ଖୁସି ସେ ସଦା ରହୁ ବା ନରହୁ
ସ୍ମୃତି ରହେ ସେ ଯାତ୍ରାର ।
ଶୀର୍ଷକୁ ଯିବା ବଡ଼କଥା ନୁହେଁ
ବଡ଼କଥା ଶୀର୍ଷରେ ରହିବା,
ଏଇ କଥାଟିକୁ ମନେ ରଖିଲେ
ସଫଳତା ନିଶ୍ଚେ ପାଇବା ।
– ଟିକା ଗୋବିନ୍ଦ
Comments
ଟିକା ଗୋବିନ୍ଦ
ଟିକା ଗୋବିନ୍ଦ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
