ପ୍ରିୟତମା ମୋର ଭାରି ଅଭିମାନୀ
କଥା କଥାରେ ଋଷି ବସିଯାଏ,
ସନ୍ଦେହୀ ମାନିନୀ ଅଭିମାନ କରି
ମୋ ମନେ ନିଆଁ ଲଗାଏ ।
ପ୍ରିୟା ଗୋ ତୁମ ହଂସିନୀ ଆଖି
ଗୋଲାପ ପରି ଲାଲ୍ ଦିଶେ,
ଚପଳାର ଚମକ ପରି ତୁମ ମୁହଁ
ପୂର୍ଣ୍ଣମୀର ଚନ୍ଦ୍ରମା ପରି ଦିଶେ ।
ପ୍ରେମର ସ୍ଵଭାବ ସନ୍ଦେହ କରିବା
ତମେ ବା ବାଦ୍ କେମିତି ଦେବ,
ବିଶ୍ୱାସ ଡୋରେ ସମ୍ପର୍କ ବନ୍ଧା
ଏ କଥାଟିକୁ ଭୁଲି ନ ଯିବ ।
ସନ୍ଦେହୀ ନାୟିକା ମନର ମାନସୀ
ମୁଁ ତୁମର ତମେ କେବଳ ମୋର,
ଭରସା ରଖି ହାତଧରି ଯିବା
ସାଥୀ ଆମେ ସାତଜନ୍ମର ।
– ରଶ୍ମୀବାଳା ଶତପଥୀ
Comments
ରଶ୍ମୀ ବାଳା ଶତପଥୀ
ରଶ୍ମୀ ବାଳା ଶତପଥୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ, କବିତ ଆଦି ରଚନା କରିଥାନ୍ତି । ତାଙ୍କ ରଚିତ ଅନେକ ଗୁଡ଼ିଏ ଗପ, କବିତା ବିଭିନ୍ନ ପତ୍ରପତ୍ରିକାରେ ପ୍ରକାଶ ପାଇଛି ।
