ପ୍ରେମର ମାନେ ଆଜି ସାଜିଛି ଛଳନା
ଛଳନା ଭିତରେ ହଜି ଯାଇଛି ଭାବନା ।
ଅଢ଼େଇ ଅକ୍ଷର ପ୍ରେମ ସାକ୍ଷାତ ଇଶ୍ୱର
ଇଶ୍ୱର ବଦଳରେ ଆଜି ସାଜିଲା ପଥର ।
ମନ ସାଥେ ମନ ମିଶି ହୋଇଯାଏ ପ୍ରେମ
ସେହି ପ୍ରେମ ଆଜି ନେଉଛି କାହାର ଜୀବନ ।
ମିଛ ମାୟା ସଂସାରରେ ସବୁ ତ ଛଳନା
ପ୍ରେମ ବି ସାଜିଲା ଆଜି ମାଟିର ଖେଳନା ।
ଖେଳଣାରେ ଖେଳୁ ଖେଳୁ ସରିଯାଏ ଦିନ
ପ୍ରେମ କଲେ ଅବେଳରେ ଚାଲିଯାଏ ପ୍ରାଣ ।
ପ୍ରେମ ହିଁ ପବିତ୍ର ଥିଲା ସାକ୍ଷାତ ଇଶ୍ୱର
ଅପବିତ୍ର ପ୍ରେମ ଆଜି ହୋଇଛି ନିଷ୍ଠୁର ।
ଧୋକା ଛଳନା ଛଡ଼ା ଆଉ ମିଳୁନି କିଛି
ଶ୍ରଦ୍ଧା, ଭଲପାଇବା ସବୁ ଯାଇଛି ହଜି ।
ନିସ୍ଵାର୍ଥପର ପ୍ରେମିକ ଆଜି ସହୁଛି ଯନ୍ତ୍ରଣା
ମିଛ ପ୍ରେମ ଏଠି ତାହାର ପାଉଛି ପାଉଣା ।
ମିଛ ମାୟା ସଂସାର ବୁଝିତ ହୁଏନି
କିଏ ଠିକ କିଏ ଭୁଲ ଜାଣିପାରେନି ।
ମିଛ ପ୍ରେମ ମଥାରେ ଲାଗୁଛି ଚନ୍ଦନ ଚିତା
ସତ ପ୍ରେମ ପିନ୍ଧୁଛି କଳଙ୍କର ଟୀକା ॥
– ସୁସ୍ମିତା ବାଭୀ
Comments
ସୁସ୍ମିତା ବାଭୀ
ସୁସ୍ମିତା ବାଭୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
