ବରଷକେ ଥରେ ଆସିଛି ଏହି ଗୋଟିଏ ଦିନ
ଭାଇ ଭଉଣୀଙ୍କ ସମ୍ପର୍କରେ ଗଢ଼ା
ଏହି ରକ୍ଷା ବନ୍ଧନ
ମନରେ ନରୁହେ ମାନ ଅଭିମାନ
ସୂତା ଖିଅ ଯୋଡ଼ିଦିଏ ଭାଇ ଭଉଣୀଙ୍କ ମନ
ଭାଇ ଭଉଣୀ ସମ୍ପର୍କ ଏକ ଅତୁଟ ଭାବ ବନ୍ଧନ
ସଦା ମାନସିକ ରଖିଥାଏ ଭଉଣୀ
ଭାଇର ଦୀର୍ଘାୟୁ ଜୀବନ
ମସ୍ତକେ ଲଗାଇ ଚନ୍ଦନ ସିନ୍ଦୁର
ଦେଇ ଦୀପ ଧୂପ ଆଳତି
ଭଉଣୀ କାମନା କରୁଛି ପ୍ରଭୁ ହେ
ଭାଇ ଙ୍କ ଜୀବନେ କେବେ ନଆସୁ ବିପତ୍ତି
ଭଉଣୀ ଯେ ବାନ୍ଧେ ଭାଇ ହାତେ ରାକ୍ଷୀ
ଏଇ ସମ୍ପର୍କର ସାକ୍ଷୀ ଏକା ସେହି ରାକ୍ଷୀ
ବାପାମାଆଙ୍କ ମନରେ ଭରିଯାଏ ଖୁସି ର ଲହରୀ
କି ସୁନ୍ଦର ଆମ ପରମ୍ପରା ଭାଇଭଉଣୀଙ୍କ ରକ୍ଷା କବଚର ଡୋରୀ
“ଭାଇ ତତେ ମୋର ରହିଲା ରାଣ
କହିବୁନି କଥା ପଦିଏ ଟାଣ”
ଆସୁ ପଛେ କେତେ ଝଡ଼ ତୋଫାନ
ତୋବିନା ଅଧା ଏଇମୋ ଜୀବନ
ଲୋଡ଼ାନାହିଁ ମତେ
ହୀରା ନୀଳା ମୋତି ମାଣିକ
ବିପଦ ପଡ଼ିଲେ ଉଦ୍ଧାର କରିବି
ଭାଇ ତୋ’ର ମୁହିଁ
ହେବି ତୋ’ ରକ୍ଷକ
ସବୁବେଳେ ତୁ ଖୁସିରେ ରହ
ଏତିକି କାମନା କରୁଛି
ସେନେହର ଭଉଣୀ ମୋହର
ସବୁ ସମୟରେ ଥିବି ତୋ ସାଥେ ଏତିକି ଶପଥ କରୁଛି ।
– ଦୀପକ କୁମାର ପଣ୍ଡା
Comments
ଦୀପକ କୁମାର ପଣ୍ଡା
ଦୀପକ କୁମାର ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
