ଆସ ! ହଜିଯିବା ନିବିଡ଼ତାର
ପ୍ରୀତି ପ୍ରଣୟରେ
ଚାଲ ସଖୀ, ଲୀନ ହୋଇଯିବା
ଯୌବନର ଉତ୍ତାଳ ଲହଡ଼ିରେ… ।
ଏବେ ତ
ଯୌବନ ଜୁଆର
ଚରମ ସୀମାରେ…
ଏଥର ଲୀନ କରିଦିଅ ତୁମ
ନିଥିର ଆବେଗକୁ ମୋ
ଆୟୁଷ୍ମାନ ଯୌବନରେ ।
ଏଥର, ସମୟ ତ୍ୟାଗର
ଜାଳିଦିଅ ବାଧା-ବନ୍ଧନ
ସମାଜର ନୀତି-ନିୟମ
ପ୍ରେମର ବହ୍ନିରେ…
ଲାଜର ଓଢ଼ାଣା କାଢ଼ି, ସାଜିଯାଅ
ଶୃଙ୍ଗାରିତ କୋଣାର୍କ,
ନିଜେ ବୁଡ଼ିବା ସହ ମୋତେ ବି
ବୁଡ଼େଇ ଦିଅ ପ୍ରେମର ସାଗରରେ ।
ଆସ ! ଆସ ! ସମର୍ପି ଦିଅ
ନିଜକୁ, ମୋ ପ୍ରୀତି ପ୍ରଣୟରେ ।
– ନଳୀନି କାନ୍ତ ଦାଶ
Comments
ନଳୀନକାନ୍ତ ଦାଶ
ନଳୀନକାନ୍ତ ଦାଶ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
