ବାପା କହିଛନ୍ତି ଦୂର ରାଇଜୁ
ଖୋଜି ଆଣି ଦେବେ ରାଜକୁମାର,
ପାଖେଇ ଆସିଲାଣି ବିବାହ ବୟସ
ମନ ହୁଏ ଭାରି ଛନ ଛନ,
ପାଦରୁ ଝୁଣ୍ଟିଆ ହଜିଯାଏ ମୋର
ମନେ ରହୁନାହିଁ ହେଜ ।
ରାଜ ନଅରର ରାଜ କଣ୍ଢେଇ ମୁଁ
ସଭିଏଁ ଡାକନ୍ତି ଫୁଲେଇ,
ଯୋଉ ଦିନୁ ତୁମକୁ ଦେଖିଲି
ମନେ ବାଜେ ସହାନାଇ ।
ଫେରି ଆସ ରାଜକୁମାର
କାହିଁ ମନେ ମାର ଅପଶୋରା,
ଫୁଲଠୁ ଭ୍ରମର ଅଲଗା ହୋଇ
ରହି ପାରେ କି ବେଶୀ ଦିନ?
ତୁମ କଥା ମନେ ପଡ଼ିଗଲେ
ଆଖି ମୋର ହେଇଯାଏ ଓଦା ଓଦା ।
ଫେରି ଆସ ରାଜକୁମାର
ନେଇ ଯାଅ ମୋ’ଠୁ, ମତେ ଚୋରି କରି ।
ମୋ’ଠୁ ପାଇବ ଅନେକ ସୁନ୍ଦରୀ
ମିଳିଯିବ ଲକ୍ଷେ ହୀରା,
ହେଲେ ମିଳିବନି ମୋ ପରି ଅସଲି ସୁନା ।
ଆଉ କେତେ ଦିନ ପ୍ରତୀକ୍ଷା କରିବି
ଆଖିରେ ପଡ଼ୁନି ପଲକ,
ଅଳସୀ ଆଖି ମୋର ଥକି ପଡ଼େ ଆଜି
ତୁମ ବାଟ ଚାହିଁ ଚାହିଁ ।
ଅନେକ ରାଜକୁମାରଙ୍କ ଲମ୍ବା ଧାଡ଼ି ଛୁଟେ
କରିବା ପାଇଁ ମତେ ରାଜରାଣୀ,
ହେଲେ ମୁଁ ତ ତୁମ ପ୍ରେମେ ବନ୍ଦୀ
କେମିତି ସାଜିବି ଆଉ କାହା ପାଟରାଣୀ?
ଫେରି ଆସ ରାଜକୁମାର
ବୋଳିଦିଅ ମୋ ଦେହ ମନେ
ତୁମ ଭଲ ପାଇବାର ରଙ୍ଗ ।
ଘୋଡ଼ା ଚଢ଼ି ଆସ
ତୁମ ସଙ୍ଗେ ନେଇଯାଅ ମୋତେ
ରାଜ ନଅରେ ତୁମର,
ଫେରି ଆସ ହେ ରାଜକୁମାର ।
– ଚିକୁନ ପଣ୍ଡା
Comments
ଚିକୁନ ପଣ୍ଡା
ଚିକୁନ ପଣ୍ଡା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
