ନିସ୍ତବ୍ଧ ନିରଳା ବିଜନ ରଜନୀ
ଅକୁହା ସପନ ଅଭୁଲା କାହାଣୀ ।
ଗଗନେ ନକ୍ଷତ୍ର ଚଳନ୍ତି ଚନ୍ଦ୍ରମା
ସପନେ ଆସନ୍ତି ସୁନ୍ଦରୀ ପ୍ରତିମା ।
ଶରୀରେ ଶୋଭୁଛି ଅକୁହା ଅଳସୀ
ସୁନ୍ଦର ଲାଗୁଛି କାଖରେ କଳସୀ ।
ଶୀତୁଆ ଲହରୀ ଖେଳୁଛି ଜଗତେ
ସପନ ଧାଉଁଛି କୁହୁଡ଼ି ସଙ୍ଗତେ ।
ଅମାପ ସପନ ଆସୁଛି ନୟନେ
ଆନନ୍ଦ ଭରୁଛି ସପନେ ଶୟନେ ।
ପାହାନ୍ତି ପ୍ରଭାତ ଆସିଲା ଦଉଡ଼ି
ସପନ ମୋହର ଗଲାରେ ବିଗିଡ଼ି ।
Comments
ପୂର୍ଣ୍ଣଚନ୍ଦ୍ର ରଣା
ପୂର୍ଣ୍ଣଚନ୍ଦ୍ର ରଣା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
