ଡାକ୍ତରଙ୍କ ମୁଖୁ ଝିଅଟିଏ ବୋଲି ଶୁଣିକରି ପିତାମାତା,
ହଁ କହନ୍ତି ପଦେ ତଳମୁହାଁ ହୋଇ ଏଇଟା ଭାଇ କି କଥା?
ଆଗରୁ ଜାଣିଲେ ଝିଅ ହେବ ବୋଲି କରିଥାନ୍ତି ଗର୍ଭ ନଷ୍ଟ,
ଯଦି ବଞ୍ଚିଯିଏ ମୁଣାଟିରେ ଭରି ଫିଙ୍ଗନ୍ତି ନଲାଗେ କଷ୍ଟ ।
ନାଳ ନର୍ଦ୍ଦମାରେ ଦିନ କଟିଥାଏ ଶିଶୁକନ୍ୟା ସେ ନିଷ୍ପାପ,
ଝିଅଟିଏ ହେଇ ଧରାକୁ ଆସିବା ହୋଇଗଲା ଅଭିଶାପ ।
ପିତାମାତାଙ୍କ ମନର ଭାବନା ଝିଅଟିଏ ଯଦି ହେବ,
ଖୁଆଇ ପିଆଇ ପୋଷିଥିବ ସିନା ଦିନେ ସେ ଦୂରେଇ ଯିବ ।
ଝିଅର ଜନମ ପରର ଏହି ତ ବିଧିର ବିଧାନ,
ପୁଅଟିଏ ହେଲେ ହରି ଦୁଃଖକଷ୍ଟ ପାସେଥିବ ଚିରଦିନ ।
ଲକ୍ଷ୍ମୀଙ୍କ ପ୍ରତିମା ସେହି ଝିଅଟିଏ କହେମୁହିଁ ବାରମ୍ବାର,
ସେହି ଝିଅଟିକୁ ବଞ୍ଚିବାକୁ ଦିଅ ନ ହୁଅ ଏତେ ନିଷ୍ଠୁର ।
– କୃଷେନ୍ଦୁ ହୋତା