ଆସିଛି ହୋରି ଆଣି ଫଗୁ ସାଥିରେ
ଫଗୁଣକୁ ସଜେଇବ ବୋଲି,
ଜୀବନ ରଙ୍ଗେଇ ପ୍ରେମ ରଙ୍ଗରେ
ଖୁସିର ଅଭିରକୁ ବୋଳି ।
ଜୀବନ ମେଳଣକୁ ରଙ୍ଗୀନ କରେଇ
ଫଗୁ ଉଡ଼ାଇବ ବୋଲି
ବରଷକେ ଥରେ ଆସିଛି ସେ
ଖେଳିବାକୁ ମନ ଖୋଲି ।
ଦୋଳଗୋବିନ୍ଦଙ୍କ ଲୀଳାରେ ଭରି
ଭକ୍ତିମୟ ପରିବେଶ,
ରଙ୍ଗ ଖେଳରେ ମଜେଇବାକୁ
ଡାକେ ହାତ ଠାରି ଆସ ।
ଜୀବନର ପ୍ରତି ରଙ୍ଗ ଚାଖିବାକୁ ହୁଏ
କହେ ସେ ଆଖି ମାରି,
ତେବେ ସିନା ଏ ଜୀବନ ରଙ୍ଗମଞ୍ଚ
ଯାଏ ଖୁସି ରଙ୍ଗେ ଭରି ।
ଆସ ରଙ୍ଗେଇ ଦେବା ଗାଁ ଦାଣ୍ଡ
ଆମେ ବନ୍ଧୁତା ଫଗୁ ଉଡ଼େଇ,
ବାଣ୍ଟିବା ସେନେହ, ପ୍ରେମର ରଙ୍ଗ
ରାଧାକୃଷ୍ଣଙ୍କ ଗାଥା ଗାଇ ।
– ସୁଶ୍ରୀ ସଙ୍ଗୀତା ସେଠୀ
Comments
ସୁଶ୍ରୀ ସଙ୍ଗୀତା ସେଠୀ
ସୁଶ୍ରୀ ସଙ୍ଗୀତା ସେଠୀ ଓଡ଼ିଆ ଭାଷାରେ ବିଭନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ପ୍ରସଙ୍ଗଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
