ମୁକ୍ତି ଦିଅ ମୁକ୍ତି ଦିଅ ପ୍ରଭୁ
ମତେ ଜନନୀର ଜଠରରୁ
ନିବିଡ଼ ଘୋର ଅନ୍ଧକାରରେ
କରୁଥିବା ସଂଘର୍ଷରୁ
ପାପର ପଙ୍କରେ ଘାଣ୍ଟି ମୁଁ ହେଉଛି
ନିତି ପାଏ ଏଠି କଷ୍ଟ
ଜଲ୍ଦିଜଲ୍ଦି ପାଦ ଥାପିବା ପାଇଁକି
ଡାକେ ମତେ ଧରାପୃଷ୍ଠ
କ୍ଷମା ଦିଅ କ୍ଷମା ଦିଅ ମତେ
ପ୍ରଭୁ ପାପର କର କ୍ଷୟ
ସତ୍ୟପଥେ ଆଉ ଧର୍ମପଥେ ମୁଁ
ରଖିବି ତ ସଦା ଲୟ
ଧରାପୃଷ୍ଠରେ ପାଦ ଥାପିବାକୁ
ଦିଅ ପ୍ରଭୁ ଅନୁମତି
ସବିତା ଦର୍ଶନେ ଶପଥ ନେବି ମୁଁ
ଗାଇବାକୁ ତୁମ କୀର୍ତ୍ତି
ତୁମ ଚରଣରେ ସବୁଦିନ ସତେ
ଥିବ ମୋର ଏଇ ମନ
ତୁମ ନାମ ଯଶ ଗାଉଥିବି ପ୍ରଭୁ
ଲଭିବାଯାଏ ମରଣ
– ସୌଭାଗ୍ୟବତୀ ଗିରି
Comments
ସୌଭାଗ୍ୟବତୀ ଗିରି
ସୌଭାଗ୍ୟବତୀ ଗିରି ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
