ମେଘୁଆ ପାଗରେ ହଜିଯିବା ଆମେ
ଏମିତି ଏକ ଜାଗାରେ,
ଫୁଲକୁ ଭ୍ରମର ଚୁମୁଥିବ ଖାଲି
ଖୁସି ଖୁସିର ପ୍ରେମରେ ।
ଝରୁଥିବ ବର୍ଷା ଡାଳରୁ ମୂଳକୁ
ତଳେ ଥିବା ଦୁହେଁ ବସି,
ଓଠରେ ଓଠକୁ ଲଗେଇ ଦେବା ଯେ
ବରଷ ବି ହେବ ଖୁସି ।
ଓଠ ଫାଙ୍କ ଦେଇ ନିର୍ଝର ବରଷା
କହିବ କିଛି କଥାରେ,
ତଥାପି ଓଠଟା ଶୁଖିଲା ଶୁଖିଲା
ଥିବ ମୋ ଚୁମ୍ବନ ଆଶାରେ ।
ଇନ୍ଦ୍ରଧନୁ ରଙ୍ଗେ ରଙ୍ଗିଯିବା ଆମେ
ହସୁଥିବ ଦେଖି ଜହ୍ନ,
ପ୍ରେମ ବରଷାରେ ଭିଜିଯିବା ଆମେ
ମିଶେଇ ଆମରି ମନ ।
ହସି ଦେଉଥିବ ମୁରୁକି ମୁରୁକି
ଆଖିରେ ଆଖି ମିଶିଲେ,
ଲାଜପଣ ତୁମ ବାହାରି ଆସିବ
ଛାତିରେ ହାତ ବାଜିଲେ ।
Comments
ରାମ କଲତା
ରାମ କଲତା ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ରଚନା କରିଥାନ୍ତି । ତାଙ୍କ ରଚିତ କିଛି ଗଳ୍ପ ବିଭିନ୍ନ ପତ୍ରପତ୍ରିକାରେ ସ୍ଥାନିତ ହୋଇଛି ।
