ତମେ ମୋ ଗୋଲାପ
ମୋ ମନ ବଗିଚାର
ପାରିଜାତ
ତମେ ମୋ ପଦ୍ମିନୀ
ମୋ ହୃଦ ସରୋବରେ
ପ୍ରସ୍ପୁଟିତ
ତମ ପ୍ରେମ ମୋର
ଅମୃତ କଳସୀ
ମୋର ଅମରତ୍ୱ ରସ
ତମ ପ୍ରେମ ମୋର
ଶାଶ୍ୱତ ଗୀତିକା
ମୋର ପୁଲକ ଉଛ୍ଵାସ
ତମ ଗୋଲାପୀ ପ୍ରେମର
କଣ୍ଟକ ପୀଡ଼ନ
ମୋର ନିର୍ବାଣର ଯୋଗମାର୍ଗ
ତମ ସୁଧାଓଠ ଝରା
ରସ କଲ୍ଲୋଳିନୀ
ମୋର ପ୍ଲାବନର ମଧୁପର୍ବ l
– ପ୍ରଶାନ୍ତ କୁମାର ବେହେରା
Comments
ପ୍ରଶାନ୍ତ କୁମାର ବେହେରା
ପ୍ରଶାନ୍ତ କୁମାର ବେହେରା ଜଗତସିଂହପୁରର ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟର ଜଣେ ରାଜନୀତି ବିଜ୍ଞାନ ବିଭାଗର ଅଧ୍ୟାପକ । ତାଙ୍କ ରଚିତ ବିଭିନ୍ନ ଗଳ୍ପକବିତାଦି ବିଭିନ୍ନ ଓଡ଼ିଆ ପତ୍ରପତ୍ରିକାମାନଙ୍କରେ ପ୍ରକାଶ ପାଉଛି ।
