କ୍ରାନ୍ତି ଫେରେ, ରକ୍ତ ଝରେ
ପବନ ହିଲ୍ଲୋଳେ, ସାଗର ତରଙ୍ଗେ
ନିନାଦିତ ହୁଏ, କଲ୍ଲୋଳିତ ହୁଏ
କ୍ରାନ୍ତି ଫେରେ, ରକ୍ତ ଝରେ ।
ବିର ରକ୍ତେ ହୋଇଛି ଗଢ଼ା
ଦେଶ ଭକ୍ତିରେ ତୁମ ପ୍ରାଣ ହୋଇଛି ସଜଡ଼ା
ସ୍ୱାଧୀନତା ସଂଗ୍ରାମେ ତୁମ ବଳିଦାନ
କ୍ରାନ୍ତି ପାଇଁ ନେଇଛ ଶପଥ ।
ତାତିଛ ତୁମେ, ତତାଇଛ ତୁମେ
ଦୁର୍ଗମ ଗିରିର ଦୁର୍ଗ ପ୍ରାଚୀର ଭାଙ୍ଗି
ରକ୍ତ ଦେଇ ତୁମେ ଦେଇଛ ଶକ୍ତି
ତୁମେ ଆମ ପ୍ରିୟ ନେତାଜୀ ।
ମାନିନାହଁ ତୁମେ କଣ୍ଟାର ବାଡ଼
ବଦଳାଇ ଯୁଦ୍ଧର ମୋଡ଼
ଭାଙ୍ଗି ସବୁ ବନ୍ଧବାଡ଼
ନେତାଜୀ, ତୁମେ ଆମ ସୁଖଶାନ୍ତିର ଜଡ଼ ।
ମୁକ୍ତି ପାଇଁ ଯେବେ କ୍ରାନ୍ତି ଫେରେ
ବିର ଯବାନର ରକ୍ତ ଝରେ
ମୈତ୍ରୀ ପାଇଁ ମଶାଲ ଜଳେ
ବିର ଶହୀଦର ଚିତା ଜଳେ ।
ନେତାଜୀ ଜୟନ୍ତୀର ପୁଣ୍ୟ ତିଥିରେ ପୁଣ୍ୟାତ୍ମାଙ୍କୁ ଶତଶତ ନମନ 🙏🙏🙏
– ଶର୍ମିଷ୍ଠା ମଲ୍ଲ
Comments
ଶର୍ମିଷ୍ଠା ମଲ୍ଲ
ଶର୍ମିଷ୍ଠା ମଲ୍ଲ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
