ଜୟ ମାତ ଦଶଭୁଜା ଦୁର୍ଗତି ନାଶିନୀ ଦୁର୍ଗା
ଚଉଦିଗେ ଉଡ଼ାଅ ମା’ କୀରତି ଧ୍ୱଜା,
ଲୋକପିୟ ହିନ୍ଦୁ ଦେବୀ ମହିମା କିବା ବର୍ଣ୍ଣିବି
ସଙ୍କଟ କାଳରେ ତୋର ପଡ଼ଇ ଖୋଜା ।
ତୁମପାଇଁ ପ୍ରକୃତିର କି ସାଜସଜ୍ଜା,
ଶରତ ଚାରୁ ସମ୍ଭାରେ ପାଉ ମା ପୂଜା ।୧।
ଜୟ ମାତ କାତ୍ୟାୟନୀ ମହିଷାସୁର ମର୍ଦ୍ଦିନୀ
ଦିବ୍ୟାଅସ୍ତ୍ର ଧାରିଣୀ ଦିବ୍ୟରୂପା ଜନନୀ ,
ଦୁଷ୍ଟଶକ୍ତି ବିନାଶିନୀ ଖଣ୍ଡା ଖର୍ପର ଧାରିଣୀ
ଶୁମ୍ଭ ନିଶୁମ୍ଭ ଘାତିନୀ ସିଂହବାହିନୀ,
ରୋଗ ଶୋକ ଭୟ ହାରିଣୀ,
ସନ୍ତାନ ହିତରେ ତୁହି ବିଶ୍ୱଜନନୀ ।୨।
ଅଗ୍ନିଜ୍ୱାଳା ରୌଦ୍ରମୁଖୀ ଦେବକୁଳ କର ସୁଖୀ
ଚଣ୍ଡ ମୁଣ୍ଡ ବିନାଶିନୀ ତୁ ମହାମାୟା ,
ମହୋଦରୀ ମୁକ୍ତକେଶୀ ଲାଲରଙ୍ଗେ ହେଉ ଖୁସି
ଜନ୍ମ ତୁମ ପାପଭାରା ନାଶିବା ପାଇଁ ।
ଦୟାକର ହେ ଦୟାମୟୀ ,
ରୋଗ ଶୋକ ଭୟ ସବୁ ଯାଉ ଦୂରେଇ ।୩।
– ବସନ୍ତ କୁମାର ପ୍ରଧାନ
Comments
ବସନ୍ତ କୁମାର ପ୍ରଧାନ
ବସନ୍ତ କୁମାର ପ୍ରଧାନ ଅନୁଗୋଳ ଜିଲ୍ଲାର ଛେଣ୍ଡିପଦାସ୍ଥିତ ହରିହରପୁରର ବାସିନ୍ଦା । ସେ ପେଶାରେ ଜଣେ ଶିକ୍ଷକ ଭାବରେ କାର୍ଯ୍ୟରତ, ମାତ୍ର ନିଶା ତାଙ୍କର କବିତା ଲେଖିବା । ତାଙ୍କ ରଚିତ ଅନେକ କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
