ମାଆ ପଚାରଇ ଖାଇଛୁକି ନାହିଁ
ମୁହଁ ଦେଖି ଚିହ୍ନେ ମନକୁ
ସ୍ତ୍ରୀ ପଚାରଇ ଆଣିଛୁକି ନାହିଁ
ଦରାଣ୍ଡି ପକାଏ ଧନକୁ ।
ସଭା ବସିଥିଲେ ପୁଅ ଭୁଲ କଲେ
ପିତା ପୋତିଦିଏ ମୁଣ୍ଡକୁ
କଳି କରୁଥିଲେ ଭାଇ ଆଗହୋଇ
ବାହାରି ପଡ଼ଇ ଦାଣ୍ଡକୁ ।
ସହିଯାଏ ଦୁଃଖ ଭଉଣୀ ଆଗ୍ରହେ
ଭାଇର ମଙ୍ଗଳ ପାଇଁକି
ଭଉଣୀ ହାତରୁ ରାକ୍ଷୀ ବାନ୍ଧି ଭାଇ
ହୁଅଇ ତା’ ଦେହ ଛାଇକି ।
ସ୍ୱାର୍ଥ ପଛେ ଧାଇଁ ସବୁ ଭୁଲିଗଲେ
ସମ୍ପର୍କର ମାନ ରହେନି
କହେ ହରିହର ଯୋଡ଼ି ବେନିକର
ସ୍ୱାର୍ଥପର ତୁମେ ହୁଅନି ।
– ହରିହର ତ୍ରିପାଠୀ
Comments
ହରିହର ତ୍ରିପାଠୀ
ହରିହର ତ୍ରିପାଠୀ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
