ତିନିରଥ ଆଜି ସଜେଇ ରହିଛି ସିଂହଦ୍ଵାର ପାଶେ ଠିଆ
ଭାଇ ଭଉଣୀଙ୍କୁ ସାଥିରେ ନେଇଣ ବୁଲିଯିବ ଯେ କାଳିଆ
ପହଣ୍ଡି କରିଣ ରଥାରୂଢ଼ ହେବ ସେବାୟତ ପାଶେ ଥାଇ
ମାନି ସଙ୍ଗରୋଧ ନଡ଼ିଆ ଭାଙ୍ଗିବ ଦୂରେ ଭକତଟା ରହି ॥
ଷାଠିଏ ପଉଟି ଛାଡ଼ିଦେଇ ପଛେ ମାଉସୀ ରନ୍ଧା ଖାଇବ
କାଳିଆ ବିହୁନେ ଶିରୀମନ୍ଦିର ଯେ ସତରେ ଶୂନ୍ୟ ଲାଗିବ
ଶୂନ୍ୟ ବଡ଼ଦାଣ୍ଡ ଶୂନ୍ୟ ରାଜପଥ ଶୂନ୍ୟ ଏ ନୀଳ ଅମ୍ବର
ଭକତ ଗହଳି ନାହିଁ ପାଶେ ଭିଡ଼ ଘଣ୍ଟ ମୃଦଙ୍ଗ ଚାମର ॥
ରଥ ଦଉଡ଼ିକୁ ଦେଖିଦେଲେ ଥରେ ହୁଏ ଟାଣିବାକୁ ମନ
ଗଡ଼ିଗଲେ ଚକ ଇତିହାସ କହେ ହୃଦୟେ ବଢ଼େ କମ୍ପନ
ଡାହୁକର ଡାକ ବାହନ ଘୋଟକ ଶରଧାବାଲିର ସ୍ୱର
ଭକତି ଆବେଗ ଉତ୍ସାହ ଆଗରେ ଭୟର ବେତ ପାହାର ॥
ପତିତପାବନ ପତିତ ଉଦ୍ଧାରି ଦୂରାଅ ଜଗତୁ ବ୍ୟାଧି
ବାହୁଡ଼ିଣ ଆସି ନିଅ ରାଜଭାର ସମ୍ଭାଳ ରତନବେଦୀ ॥
– ସୌମ୍ୟରଞ୍ଜନ ପାଲ