କେତେ ବୀର ଶହୀଦଙ୍କ କାହାଣୀ ଅମର,
ରଚି ସ୍ଵର୍ଣ ଇତିହାସ, ବାଜି ବୟସ କୋମଳ ।
ଧରିନି ସେ ବନ୍ଧୁକ କେବେ ଫୁଟାଇନି ବମ୍
ଦେଶହିତେ ତା’ର ବଳିଦାନ, କି କାହାଠାରୁ କମ ।
ଧରି ନାହିଁ ଭାଲା ଖଡ୍ଗ ତା’ ବାଳୁତ ବାହୁ,
ସହସା ସିଂହ ସମ, ସାହସ ଏତେ କାହୁଁ ।
ମସ୍ତକେ ପ୍ରହାର ଧାର ରକ୍ତ-ଜୀବନକୁ ବାଜି
ଗୁଳି ବକ୍ଷ ଭେଦି, ପ୍ରାଣ ଗଲା କାହିଁ ହଜି ।
ପ୍ରଜ୍ୱଳିତ ମୁକ୍ତି-ଦୀପ ଚିତା ତା’ର ଜାଳି
ତା’ ସ୍ମୃତିରେ ଶତ ଶତ, ଅଶ୍ରୁ ଶ୍ରଦ୍ଧାଞ୍ଜଳି ।
ଧନ୍ୟ ଓଡ଼ିଆ ମାଟି ଧନ୍ୟ ତା’ ଜନନୀ
ତା’ ଯଶକୁ ଗାଉ ଥାଉ, ସମଗ୍ର ଅବନୀ ।
ସ୍ୱାଧୀନତା ଆକାଶର କନିଷ୍ଠତମ ତାରା
ସଦା ପ୍ରଜ୍ୱଳିତ ରହୁ, ବହୁ ଆଲୋକର ଧାରା ।
Comments
ହୃଷୀକେଶ ସ୍ୱାଇଁ
ହୃଷୀକେଶ ସ୍ୱାଇଁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
