ଦେଇଥିଲୁ ପରା କଥା ମାଉସୀକୁ ବର୍ଷକୁ ଥରେ ଆସିବୁ
ଆଠ ଦିନ ରହି ମାଉସୀ ପାଖରେ
ଶ୍ରୀ ମନ୍ଦିର ବାହୁଡ଼ିବୁ – ୧
ଛ’ ତିଅଣ ଓ ନ’ ଭଜା କରି ଅପେକ୍ଷାରେ ମାଉସୀ ମା’
ଘୋଷ ଯାତ୍ରା ପରା ପାଖେଇ ଆସିଲା
ଭୁଲିଲୁ କାଳିଆ ସୁନା – ୨
କଥା ଦେଇଥିଲୁ ଭକତ ଜନଙ୍କୁ ରଥରେ ବଡ଼ଦାଣ୍ଡରେ
ଘଣ୍ଟ ଘଣ୍ଟା ସୁରେ ମଜ୍ଜିଯିବୁ ତୁହି
ଦର୍ଶନ ତାଙ୍କୁ ଦେବୁରେ – ୩
ତୋର ସୃଷ୍ଟିକୁ ଦେଖିଦବୁ ଥରେ ଭକତେ ଦେଖିବେ ତତେ
କୋଟି ଭକତଙ୍କ ପ୍ରାଣ ତୃପ୍ତି ହେବ
ବାହୁଡ଼ି ଯିବେ ସନ୍ତୋଷେ – ୪
ଘୋଷ ଯାତ୍ରା ପରା ପାଖେଇ ଗଲାରେ ଭୁଲିଲୁ କି ତୋର କଥା
ରଥ ଚାହିଁଅଛି ଦାଣ୍ଡ ଚାହିଁ ଅଛି
ଚାହିଁଛି ବାଲି ଶରଧା – ୫
କି ପାଲା ଲଗାଇ ବଡ଼ ଦେଉଳରେ ମଉନେ ଆଜି ବସିଛୁ
ଭିନ୍ନ ଇତିହାସ ରଚିବୁ କି ଆଜି
ଏଇ ମନସ୍ଥ କରିଛୁ – ୬
ଚାତକଟି ଯେହ୍ନେ ଚାହେଁ ବାଦଲକୁ ସର୍ବେ ଚାହୁଁଛନ୍ତି ତତେ
ଜଗନ୍ନାଥ ମୟ କେବେ ହବ ଦାଣ୍ଡ
ସେଇ ଅପେକ୍ଷାରେ ସର୍ବେ – ୭
– ରଶ୍ମି ମୟୀ ପତି
Comments
ରଶ୍ମିମୟୀ ପତି ଓଡ଼ିଆ ଭାଷାରେ ବିଭନ୍ନ ପ୍ରକାରର କବିତା ରଚନା କରିଥାନ୍ତି । ତାଙ୍କ ରଚିତ କବିତାଗୁଡ଼ିକ ଅନେକ ପତ୍ରପତ୍ରିକାରେ ପ୍ରକାଶ ପାଇବା ସହ ଅନେକ ସାହିତ୍ୟ ସଂସ୍ଥା ପକ୍ଷରୁ ତାଙ୍କୁ ଅତୀତରେ ସମ୍ମାନୀତ କରାଯାଇଛି ।
