ଏବେ କେହି କହିଲା ଶୁଣୁଛି ମୁଁ
ଦେବ ଦହନାର ପ୍ରେମରେ
ଆମ ଗାଁ ରାସ୍ତା ବେଶ ଚଳଚଞ୍ଚଳ ହେଇ ଉଠୁଛି ॥
ଲୁଟା ଗଦାର ନିର୍ବାକ ପ୍ରେମିକ ବି
କୁନ୍ଥେଇ ଶୋଇପଡ଼ିଛି
ସକାଳ ପାହିବା ବେଳକୁ
ନା ଥିବ ମୁକ୍ତା ନା ମୁକ୍ତିର ଭୟ ॥
ଭୂଇଁ ଲିମ ଲତାଟା କେଜାଣି ହଜିଛି ଯେ ହଜିଛି
ତାକୁ ବା କାହାର ଭୟ
ଖୋଜା ଚାଲିଛି କଟୋକୁଆଳି
ରାମ୍ପୁଡ଼ା ହେବ ଫୁଲ ଦେହ
ଟିକିଏ ପ୍ରେମ ପାଇଁ
କିଛି ସ୍ୱପ୍ନ ପାଇଁ
ଆଉ କାହା ପେଟ ପାଇଁ ॥
ଭୋକ, ବାସ୍ନା, ଆଉ ମାଡ଼କୁ ନେଇ
ଏଇ ଦେଉଳ
ହୃଦୟ ବି ପଥର
ପଥର ଦେହରେ ସିନ୍ଦୁର ଆଉ ଅଳତା
ଆତ୍ମୀୟତାର ଚରିତ୍ର ଖୋଜାରେ
ଅନେକ ଘର ଭାଙ୍ଗି ସାରିଛି… ॥
– ତପନ କୁମାର ସାହୁ
Comments
ତପନ କୁମାର ସାହୁ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
