ହାରି ଯାଇଛି ମୁଁ ଜୀବନ ଯୁଦ୍ଧରେ
ଖୋଜୁଛି ହଜିଲା ସ୍ମୃତି
କିଛି କଥା ଆଉ ଅକୁହା ବେଦନା
ଅନ୍ଧକାରର ଏ ରାତି ।
ହୃଦୟ ମନ୍ଦିରେ ସସ ମାନ ସାଜି
ଅଟ୍ଟହାସ୍ୟ କରେ ମୋତେ,
ନିଜର ଲୁହକୁ ନିଜେ ପିଇ ଯାଇ
ବୁଝାଏ ମନକୁ କେତେ ।
କୋମଳ ହୃଦୟ ହୋଇଛି ପଥର
ଝୁରୁଅଛି ରାତିଦିନ
ହଜି ଯାଇଛି ତା’ ଜୀବନ କାହାଣୀ
ଲିଭିଯାଏ ତା’ ସପନ ।
ଫେରିବାର ଆଶା ଯାଇଛି ପାଶୋରି
ମାଟିରେ ଯାଇଛି ମିଶି
ବିରହ ବିଧୁରା କୋମଳ ହୃଦୟ
ଭରି ଯାଏ ଦୁଃଖ ରାଶି ।
– ସନ୍ଧ୍ୟା ରାଣୀ ଦାଶ
Comments
ସନ୍ଧ୍ୟାରାଣୀ ଦାଶ ଓଡ଼ିଶା ଭାଷାରେ ବିଭିନ୍ନ ପ୍ରକାରର କବିତା ରଚନା କରନ୍ତି । ସେ ମୁଖ୍ୟତଃ ଆମ ସମାଜ, ପରିବେଶ ଆଉ ଭକ୍ତିଅର୍ଘ୍ୟ ଉପରେ ତାଙ୍କର ଲେଖନୀ ଚାଳନା କରନ୍ତି ।
