କୁଆଁର ପୁନେଇଁ ଜହ୍ନ
କୁଆଁରୀ ମନ ଛନଛନ,
ବେଗେ ବନ୍ଦେଇବାକୁ ଚାନ୍ଦ
ଝିଅଙ୍କ ମନ ଯେ ଉଚ୍ଛନ୍ନ ।
ନୂଆ ଜାମା ପିନ୍ଧି ସଜ
ଝିଅଙ୍କ ପରା ଏ ଉତ୍ସବ,
କୁମାର ମିଳିବେ ମନପସନ୍ଦର
ସେଥିପାଇଁ ଏ ଓଷା, ପରବ ।
କୁଆଁର ପୁନେଇଁ ଚାନ୍ଦ
ଖୁସି ନେଇ ଉଦୟ ହେବ,
ଝିଅଙ୍କୁ ଦେଇ ଆଶିଷ
ତାଙ୍କ ମନବାଞ୍ଛା ପୂର୍ଣ୍ଣ କରିବ ।
ନଡ଼ିଆ, ଖସାଲଡ଼ୁ, ତାଳଗଜା ସାଥେ
କୁଆଁର ପୁନେଇଁ ପସରା,
କଦଳୀ, ଆଖୁ, ଉଖୁଡ଼ା, ଗୁଡ଼ରେ
ଚାନ୍ଦ ତିଆରି ହୁଏ ପରା ।
ବୃନ୍ଦାବତୀଙ୍କୁ କରନ୍ତି ପୂଜା
କଇଁ ଫୁଲେ ସଜାଇ ଚଉଁରା,
ତିଆରି କରି ଜହ୍ନିରେ ଘୋଡ଼ା
କି ସୁନ୍ଦର ଏ ଓଡ଼ିଆ ପରମ୍ପରା !
ଚାନ୍ଦ ବନ୍ଦେଇବା ପାଇଁ
ସନ୍ଧ୍ୟା ନ ହେଉଣୁ ମେଳି ହୁଏ,
ପୂଜା ସାରି ଝିଏ ମେଳି କରନ୍ତି
ଫୁଲ ବଉଳବେଣୀ ଦାଣ୍ଡ ଦୁଲୁକାଏ ।
ଫେରନ୍ତି ଝିଏ ଯେଝା ଘର
ଏହି ପରି ମଜା ମଉଜ ସାରି
ଆନନ୍ଦ ମନ ଯେ ସଭିଙ୍କର
ଏ ଓଷାର ମାହାତ୍ମ୍ୟ ଏହିପରି ।
– ସୁଶ୍ରୀ ସଙ୍ଗୀତା ସେଠୀ
Comments
ସୁଶ୍ରୀ ସଙ୍ଗୀତା ସେଠୀ ଓଡ଼ିଆ ଭାଷାରେ ବିଭନ୍ନ ପ୍ରକାରର ଗପ ଓ କବିତା ଆଦି ରଚନା କରିଥାନ୍ତି । ତାଙ୍କ ରଚିତ ପ୍ରସଙ୍ଗଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
