ଦେଖୁଥିଲେ କେବେ ସ୍ୱପ୍ନ ସରିବନି
ତମେ ଥିଲେ ପାଖେ ସାଥି
ସ୍ୱପ୍ନ ଝରୁଥିବ ଗହନ ନିଦରେ
ଦିନ ଲାଗୁଥିବ ରାତି ।
ହସୁଥିଲେ କେବେ ହସ ସରିବନି
ତମେ ଥିଲେ ପାଖେ ସାଥି
ମହୁ ଝରୁଥିବ ଶୁଖିଲା ଓଠରେ
ଲୁହ ଲାଗୁଥିବ ମୋତି ।
କହୁଥିଲେ କେବେ କଥା ସରିବନି
ତମେ ଥିଲେ ପାଖେ ସାଥି
ଖୁସି ଝରୁଥିବ ହୃଦୟ ଦୁଆରେ
ଦୁଃଖ ଲାଗୁଥିବ ସ୍ମୃତି ।
ଚାଲୁଥିଲେ କେବେ ବାଟ ସରିବନି
ତମେ ଥିଲେ ପାଖେ ସାଥି
ଫୁଲ ଝରୁଥିବ ଜୀବନ ବାଟରେ
କଣ୍ଟା ଲାଗୁଥିବ ଝୋଟି ।
– ଭକ୍ତ ଚରଣ ସୁନାନୀ
Comments
ଭକ୍ତ ଚରଣ ସୁନାନୀ
ଭକ୍ତ ଚରଣ ସୁନାନୀ ଓଡ଼ିଆ ଭାଷାରେ ବିଭନ୍ନ ପ୍ରକାରର କବିତା ରଚନା କରନ୍ତି । ତାଙ୍କ ରଚିତ କବିତାଗୁଡ଼ିକ ବିଭିନ୍ନ ପତ୍ରପତ୍ରିକା ସ୍ଥାନ ପାଇବା ସହିତ ସେ ଅନେକ ସ୍ଥାନରେ ସମ୍ମାନିତ ହୋଇଛନ୍ତି ।
