ଜୀବନ କେବେ
ଗୋଲାପର ଶେଯ ତ
କେବେ ତତଲାବାଲିର
କଣ୍ଟକିତ ଚଲାପଥ ।
ମିଠା ମିଠା ସପନେ
ରଙ୍ଗମୟ ଦୁନିଆରେ
ଖୋଜିବୁଲେ ନିଜକୁ
ହେଇ କ୍ଷତବିକ୍ଷତ ।
ଜୀବନ
ଶ୍ରାବଣର ଉଛୁଳା ନଈ
ବସନ୍ତର ମହକିତ ବନ
ଆଉ ଶରତ ସନ୍ଧ୍ୟାର
ଫୁଲେଇ ରୂପା ଜହ୍ନ ।
ଏ ଜୀବନ
କୁହୁଡ଼ିର ପ୍ରହେଳିକା
ପ୍ରେମ ଗୀତି ଗାଇ
ଧାଏଁ ପଥେ ପଥେ
ଖୋଜି ନିଜ ପଦ ଚିହ୍ନ ।
– ଧିରେନ୍ ବାଗ୍
Comments
ଧୀରେନ ବାଗ
ଧୀରେନ ବାଗ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
