ଅନଭିଜ୍ଞ ମୁହିଁ କିଛି ଜାଣିନାହିଁ
ପ୍ରାର୍ଥନା କରୁଛି ଯାଇ
ମାୟା ମୋହ ଭରା ଭବ ସାଗରରୁ
ଉଦ୍ଧାର କରିବା ପାଇଁ…
ତୁମ ପାଇଁ ସବୁ ସମୁଦ୍ରକୁ ଶଙ୍ଖେ
କି ଦାନ ଦେବି ମୁଁ ଯାଇ
ମନ ରୂପି ଧନ ଦାନ ମୁଁ ଦଉଛି
ତୁମ ଦାସ ହେବା ପାଇଁ…
ଅନ୍ୟର ନାଆରେ ନାଉରୀ ସାଜୁଛି
କୂଳକୁ ଆସିବା ପାଇଁ (କିନ୍ତୁ)
ମାୟା ମୋହ ଭରା ଏ ସାରା ସଂସାରେ
କୂଳ ଖୋଜେ ନିଜ ପାଇଁ …
ବଞ୍ଚିବାର ରାହା ପାଇନାହିଁ ଖୋଜି
କି ଭିକ୍ଷା ମାଗିବି ଯାଇ
କଦ।କାର ଭରା ସ୍ଥୂଳ ଶରୀରକୁ
ରଖିବି ମୁଁ କାହିଁ ପାଇଁ…
ଜୀବନ ଦୀପରେ ଆତ୍ମାର ସାଳିତା
ଜଳିଯାଉ ଏହି କ୍ଷଣି
ବ୍ୟାକୁଳ ହେଲାଣି ଏ ପାପ ଶରୀର
ତୁମକୁ ପାଇବା ପାଇଁ…
– ନୃସିଂହ ପାଣିଗ୍ରାହୀ
Comments
ନୃସିଂହ ପାଣିଗ୍ରାହୀ ପେଶାରେ ଜଣେ ଶିକ୍ଷକ । ସେ ଓଡ଼ିଆ ଏବଂ ଇଂରାଜୀ ଭାଷାରେ ବିଭିନ୍ନ ପ୍ରକାରର ଗପ, କବିତା ଆଦି ରଚନା କରନ୍ତି ।
