ମୁଁ କବିତା ନୁହେଁ
ନିଜ ଅନୁଭୂତି ଲେଖୁଅଛି,
ଆଜି ତୁମ କଥା
କିଛି ବିଶେଷ ଭାବୁଅଛି ।
ଯେବେ ମିଶିଥିଲି ତୁମ ସାଥେ
ଲାଗୁଥିଲା କିଛି ଅଲଗା,
ଦୂରତ୍ଵ ବଢ଼ାଇ ଏବେ
ସାଜିଅଛି ଅଭାଗା ।
ଅପରିଚିତରୁ ହୋଇଥିଲ ପରିଚିତ ମୋ’ର
ପରିଚିତରୁ ପୁଣି ସାଜିଥିଲ ଜୀବନର ସାର
ତୁମକୁ ମୋ’ ବଞ୍ଚିବାର ତୃଷା ଲେଖୁଅଛି
ତୁମ ପାଇଁ ଆଜି ବି ବସି ଭାବୁଅଛି ।
ତୁମ ଆସିବାରେ ଏମିତି କିଛି ଶିଖିଥିଲି
ଆଜି ଶବ୍ଦକୁ କାଗଜରେ ପ୍ରକାଶିତ କରିଦେଲି,
ନିଜ ହୃଦୟରେ ରଖିଥିବା ଭାବନାକୁ ଆଜି ଲେଖୁଅଛି
ତୁମ ପାଇଁ କିଛି ବିଶେଷ ଭାବୁଅଛି ।
– ଲୋପାମୁଦ୍ରା ମହାପାତ୍ର
Comments
ଲୋପାମୁଦ୍ରା ମହାପାତ୍ର
ଲୋପାମୁଦ୍ରା ମହାପାତ୍ର ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
