କେଭେଁ କେନ୍ତା ଘିନା ହଉଥିସି
ହଜାର୍ ହଜାର୍ ବହି
କେନ୍ ଗୁଟେ ଠାନେ ବଂଧା ହେଇ
ଥିସନ୍ ସବୁ ରହି
ମନ୍ ଥିଲେ ବି ପାଠକ୍ ଜନେ
ଗୁଟେ ବି ନାଇଁପାଇ
ପାଠାଗାର୍ନୁ ଫିରିଆଏସି
ବଡ଼ା ଦୁଖ୍ମନା ହେଇ
କାଁକରି ବଏଲେ ବୁଦ୍ଧିଆଲ୍ମାନେ
ବହି ସବୁ ଥିସନ୍ ବାଛି
ଜନେ ବି ନାଇଁ ଯାହାର୍ ମନେ
ଥିସି ବହିପଢା ରୁଚି
ଇନ୍ତା ଢଂଗେ ବହି ଘିନାହେଲେ
ନାଇଁମିଲେ ଉପ୍କାର୍
ସ୍ବାଧୀନ୍ ପାଠକ୍ ନାଇଁ ପାଇପାରେ
ବହିପଢା ଅଧିକାର୍
ବ୍ୟକ୍ତି ଉପ୍ରେ ଆରୁ କେତେ ଦିନ୍
ଦେବେ ନିଜର୍ ରୁଚି ଲଦି
ଯେନ୍ତେଇ ବି ବିଚାର୍ କଲେଁ
ଇଟା ଉଲ୍ଟିଆ ବୁଦ୍ଧି
ଛାପାବହି ଯଦି ଅପଢା ରହେଲା
ବଢ୍ସି ସିନେ ବ୍ୟବସାୟ୍
ଭାଷା ସାହିତ୍ୟର୍ ସେହି ଦୁର୍ଦଶା
ନାଇଁହୁଏ ନବୋଦୟ୍
Comments
ପ୍ରଫୁଲ୍ଲ କୁମାର ତ୍ରିପାଠୀ
ପ୍ରଫୁଲ୍ଲ କୁମାର ତ୍ରିପାଠୀ, ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଜଣେ ଓଡ଼ିଆ ସାହିତ୍ୟିକ ଓ ଭାଷାବିତ୍ । ସମାଜରେ ଦେଖାଯାଉଥିବା ବିଭିନ୍ନ ପ୍ରକାରର ଦୁର୍ନୀତି, ଅନିୟମିତତା ଏବଂ ମାନବବାଦ ବିଷୟ ଉପରେ ତାଙ୍କ ରଚନା ଆଧାରିତ । ସେ ଓଡ଼ିଆ ଭାଷା ସାହିତ୍ୟର ତର୍ଜମା ଓ ଲିପିର ବିକାଶ ବିଷୟରେ ମଧ୍ୟ ଅନେକ ପୁସ୍ତକ ରଚନା କରିଛନ୍ତି ।
