ତୋ’ ରୂପ ବର୍ଣ୍ଣନା ଭାଳି ବିଶ୍ୱକର୍ମା
ହୃଦେ କଲେ ନିବେଦନ
ସ୍ରଷ୍ଟା, ସୃଷ୍ଟି ଦ୍ୱୟ ଅଟୁ ଦୟାମୟ
ତୁ କରୁ ତୋତେ ସୃଜନ ।
ଏ ବିଶ୍ୱ ବ୍ରହ୍ମାଣ୍ଡ ତୋ’ଠାରୁ ଉଦ୍ଭବ
ତୁହି କର୍ତ୍ତା ଓ କାରଣ,
ଦେବତା, ଦାନବ ଜୀବଜନ୍ତୁ ସର୍ବ
ତୋହ ପ୍ରସାଦରୁ ଜନ୍ମ ।
ସତ ଚିତ୍ତ ଆନନ୍ଦ ହେ ସଚ୍ଚିଦାନନ୍ଦ
ତୁହି ସଗୁଣ, ନିର୍ଗୁଣ,
ଆକାର ବିହୀନ ଆହେ ନିରାକାର
ତେଜୋମୟ ଅଗ୍ନିସମ ।
ତୋ ରୂପ ବର୍ଣ୍ଣନା ଭାଳି ବିଶ୍ୱକର୍ମା
ହୃଦେ କଲେ ନିବେଦନ
ସ୍ରଷ୍ଟା, ସୃଷ୍ଟି ଦ୍ୱୟ ଅଟୁ ଦୟାମୟ
ତୁ କରୁ ତୋତେ ସୃଜନ ।
– ସଚ୍ଚିଦାନନ୍ଦ ମହାନ୍ତି
Comments
ସଚ୍ଚିଦାନନ୍ଦ ମହାନ୍ତି ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
