ସମ୍ପର୍କଟା ଏକ ନିଆରା ଦୁନିଆ
ସର୍ବବ୍ୟାପୀ ତା’ର ଭୂମିକା ।
ଭଲ ପାଇବାର ଚଲାସାଥି ସିଏ
କେବେ ଆସେ ଦିଏ ଧୋକା ॥
ବିଶ୍ୱାସକୁ ଡାକେ ନୂଆ ପରିଚୟେ
ବନ୍ଧନକୁ ନିଏ କିଣି ।
ଏସାରା ଜଗତେ ବନ୍ଧୁତ୍ୱରେ ଆସି
କରିଥାଏ ସର୍ବ ଋଣି ॥
ମାନ ଅଭିମାନ, ରାଗରୁଷା ରଖେ
ହସ-କାନ୍ଦ ମିଶ୍ରଣରେ ।
କେବେ କେବେ ଆଣେ ପ୍ରତିଶୋଧ ଛିଟା
ଅଚିହ୍ନା ଓ ଅଜଣାରେ ॥
ସମ୍ପର୍କଟା ଏକ ରଙ୍ଗୀନ ପ୍ରଜାପତି
ସହସ୍ର ତାହାରି ରୁପ ।
ପ୍ରେମ ଫଗୁଣ ରେ ପ୍ରେମୀଯୁଗଳଙ୍କ
ଲେଖିଥାଏ ପ୍ରେମ ଗଳ୍ପ ॥
ସନ୍ଦେହର ସିଏ ପ୍ରଧାନ ବିପକ୍ଷ
ଫୁଲର ସେ ମଧୁଛନ୍ଦା ।
ଭବିଷ୍ୟତ ପାଇଁ ଜନ୍ମାନ୍ତର ସାଥି
ପ୍ରୀତିର ରଜନୀ ଗନ୍ଧା ॥
– ଆଶ୍ରିତ୍ ମହାପାତ୍ର
Comments
ଆଶ୍ରିତ ମହାପାତ୍ର
ଆଶ୍ରିତ ମହାପାତ୍ର ଜଣେ ଓଡ଼ିଆ କଥାକାର ତଥା କବି । ଶୁଭପଲ୍ଲବରେ ତାଙ୍କ ରଚିତ ଅନେକ କବିତା ପ୍ରକଶ ପାଇଛି ।
