ପ୍ରେମ ଅପ୍ଟିକସ୍ରେ ତୋ’ ପ୍ରେମ
ଠିକ୍ ଆଲୋକର ରଶ୍ମି ପରି,
ଅନନ୍ତ ଦୂରରେ ଥିଲେ ବି ତୁ କେନ୍ଦ୍ରିତ ହୋଇଥାଉ
ଏକ ବାସ୍ତବ ପ୍ରତିବିମ୍ବ ପରି,
ଫୋକୋସ୍ରେ, ଅବତଳ ମନ-ଦର୍ପଣରେ ।
ନିକଟତର ହୋଇ ତୁ ଅସିଯାଉ ଯେବେ
ମୋ ହୃଦ ବ୍ୟାସାର୍ଦ୍ଧ ମଧ୍ୟକୁ,
ସୃଷ୍ଟି ହୁଏ ତୋ’ ଛଳନା ବୋଳା ପ୍ରତିବିମ୍ବ
ମୋ ହୃଦୟର ପଛକୁ,
ତୁ ହାରିଯାଉ, ଅବାସ୍ତବ ଓ ଆଭାସୀ ରଙ୍ଗରେ ।
ସବୁ ଭୁଲି ଯେବେ ପ୍ରତିଶୃତ କରିବାକୁ ଯାଏ
ତୋ’ ଛଳନାବୋଳା ରଶ୍ମିକୁ,
ଟି.ଆଇ.ଆର୍ ଭଳି ବାଧା ଦିଏ ମୋ ଆନ୍ତ୍ରିକ ଯନ୍ତ୍ରଣା
କାରଣ,
ଅତିକ୍ରମୀ ଯାଇଥାଏ ତୋ ରଶ୍ମି ସମସ୍ତ କୋଣକୁ,
ପ୍ରତିସରଣ ପରି, ହୃଦୟର ଘନ ମାଧ୍ୟମରେ ।
– ଚିତ୍ତରଞ୍ଜନ ବାରିକ
Comments
ଚିତ୍ତରଂଜନ ବାରିକ
ଚିତ୍ତରଂଜନ ବାରିକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
