ନାରୀକୁ ଦେବୀ ଆଖ୍ୟା ଦେବା ପୂର୍ବରୁ
ତା’ ମାସିକ କଷ୍ଟ ବିଷୟରେ ଅବଗତ ହୁଅନ୍ତୁ ।
ନାରୀକୁ ଭଲପାଇବା ପୂର୍ବରୁ
ତା’ ସ୍ୱାସ୍ଥ୍ୟ ପ୍ରତି ଯତ୍ନବାନ ହୁଅନ୍ତୁ ।
ନାରୀ ପ୍ରତି କୁଦୃଷ୍ଟି ପକାଇବା ଆଗରୁ
ତା’ ସହନଶୀଳତା ପରଖି ନିଅନ୍ତୁ ।
ନାରୀକୁ ଋତୁସ୍ରାବ ସମୟରେ
କିଛି ଉପଦେଶ ଦେବା ପୂର୍ବରୁ
ତା’ ଯନ୍ତ୍ରଣାକୁ ଥରୁଟେ
ତା’ ସ୍ଥାନରେ ଥାଇ ଅନୁଭବ କରନ୍ତୁ ।
ନାରୀର ଗଢ଼ଣକୁ ନେଇ
ଉପହାସ, ଲାଞ୍ଛନା, ସମାଲୋଚନା
କରିବା ପୂର୍ବରୁ ତା’ ହୃଦୟର କୋହ,
ଆଉ ସେ ବର୍ଷ ବର୍ଷ ଧରି ସନ୍ତରଣ
କରୁଥିବା ରକ୍ତର ଦରିଆ କଥା ଚିନ୍ତା କରନ୍ତୁ ॥
ବିଶ୍ୱ ଋତୁସ୍ରାବ ପରିଚ୍ଛନତା ଦିବସର ଶୁଭେଚ୍ଛା ।
– ମମତା ବାରିକ
Comments
ମମତା ବାରିକ
ମମତା ବାରିକ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
