ମିଛ କାଳିଆ
ମିଛ କାଳିଆ

ମିଛ କାଳିଆ

କହରେ କାଳିଆ, କାହିଁକି ବସିଛୁ,
ମିଛଟାରେ ନୀଳାଚଳରେ ହେ ।
ରଜା, କାଳେ ତୋର ରାଜପଣ ଏବେ
ଛନ୍ଦା ରାଜନୀତି କଳରେ ହେ ।
କହରେ କାଳିଆ…………..

ଦାରୁ ହୋଇ ବାସିଥିବୁ ଦାରୁ ଦିଅଁ,
ତୋ’ ନାମରେ ଚାଲିଥିବ ବ୍ୟବସାୟ (୨)
ଚାହିଁଥିବୁ ଧନ, ମହାପାତ୍ରେ ସବୁ,
ମାରିନେବେ ବଡ଼ ଛଳରେ ହେ ।
କହରେ କାଳିଆ…………..
ଭକୁଆ ହୋଇ ତୁ ରହିଥିବୁ ଚାହିଁ,
ତୋ’ ଗଣ୍ଡିକୁ ଦିନେ ଖାଇଯିବ ଉଇ (୨)
ହେ ଭାଗ୍ୟ-ବିଧାତା, ତୋ ଭାଗ୍ୟ ଲେଖିଛି,
ଜନ ଏବେ ଧନ ବଳରେ ହେ ।
କହରେ କାଳିଆ…………..

ତୋ ନୀଳଚକ୍ରରୁ ଖସୁଅଛି ନେତ,
ଖାଉଛୁ ପୋକରା ଚାଉଳର ଭାତ (୨)
କେତେସରି ହେଲେ, କାଳିଆ ଘୋଡ଼ାରେ ,
ଆସୁନୁ ଏ କଳିକାଳରେ ହେ ।
କହରେ କାଳିଆ………….

(ବର୍ତ୍ତମାନ ସମୟରେ ଜଗନ୍ନାଥ ଙ୍କ ନେଇ ହେଉଥିବା ରାଜନୀତି, ପଇସା ବଳରେ ଦାରୁ ଫିକ୍ସିଂ ଆଦି ଘଟଣାକୁ ଆଧାର କରି ଏ ଭଜନ ରଚିତ ।)

Comments

comments

ଅନ୍ୟମାନଙ୍କ ସହ ସେୟାର କରନ୍ତୁ...

Leave a Reply

Close Menu