ଜୟ କ୍ଷୀରାବ୍ଦି ତନୟା
ପଦ୍ମାଳୟା ହରିପ୍ରିୟା
କରି ମର୍ତ୍ତ୍ୟ ଅବତୀର୍ଣ୍ଣ
ପାଅ ମା ପୂଜା,
ଲୋକମାତା ମା କମଳା
ତୁ ରମା ପଦ୍ମା ଇନ୍ଦିରା
ଲକ୍ଷ୍ମୀ ମାତା ନାମେ ଉଡ଼େ
କୀରତି ଧ୍ଵଜା,
ତୁ ଉଲ୍ଲୁକ ଗଜ ବାହିନୀ,
ଐଶ୍ୱର୍ଯ୍ୟ ଅଧିକାରିଣୀ ବିଶ୍ଵ ଜନନୀ ।
ଆଶ୍ୱିନ ପୂର୍ଣ୍ଣିମା ତିଥି
ଜନ୍ମଦିନ ଭାବେ ଖ୍ୟାତି
ଗଜ ଲକ୍ଷ୍ମୀ ପୂଜାପାଉ
ବିଭିନ୍ନ ସ୍ଥାନେ
ତୁ ପଦ୍ମାକ୍ଷୀ ପଦ୍ମହସ୍ତା
କରୁ ତୁ ପଡ଼ି ବ୍ୟବସ୍ଥା
ସୁଖ ସମୃଦ୍ଧି ସୌଭାଗ୍ୟ
ତୋ’ର ପ୍ରସନ୍ନେ,
ନମସ୍ତେ ମା ଭୃଗୁ ନନ୍ଦିନୀ,
ଶକ୍ତି ସ୍ୱରୂପିଣୀ ଦେବୀ
ବିଷ୍ଣୁ ଘରଣୀ
ପଦ୍ମବନ ନିବାସିନୀ
ତୁହି ଲକ୍ଷ୍ମୀ ଠାକୁରାଣୀ
ସୌଭାଗ୍ୟ ସୌନ୍ଦର୍ଯ୍ୟ
ଧନ ସମ୍ପଦ ଦେବୀ,
ଧର୍ମ ଅର୍ଥ କାମ ମୋକ୍ଷ
ତୋ’ ଦୟାରୁ ପୁରୁଷାର୍ଥ
ଗଜଲକ୍ଷ୍ମୀ ତୋ’ ପ୍ରସନ୍ନେ
କି ଅବା ଦେବି,
ଘେନାକର ଭକ୍ତି ସୁମନ,
ଦିଅ ଧନଧାନ୍ୟ ପୂର୍ଣ୍ଣ
ସୁଖୀ ଜୀବନ ॥
– ବସନ୍ତ କୁମାର ପ୍ରଧାନ
ଶ୍ରୀ ଲକ୍ଷ୍ମୀ ଚାଳିଶା ପଢ଼ନ୍ତୁ ।
Comments
ବସନ୍ତ କୁମାର ପ୍ରଧାନ
ବସନ୍ତ କୁମାର ପ୍ରଧାନ ଅନୁଗୋଳ ଜିଲ୍ଲାର ଛେଣ୍ଡିପଦାସ୍ଥିତ ହରିହରପୁରର ବାସିନ୍ଦା । ସେ ପେଶାରେ ଜଣେ ଶିକ୍ଷକ ଭାବରେ କାର୍ଯ୍ୟରତ, ମାତ୍ର ନିଶା ତାଙ୍କର କବିତା ଲେଖିବା । ତାଙ୍କ ରଚିତ ଅନେକ କବିତା ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇଛି ।
